အမေရိကန် နိုင်ငံခြားရေးဝန်ကြီး အန်တိုနီ ဘလင်ကန် သည် ယခုသီတင်းပတ်အတွင်း ဗီယက်နမ်နှင့် ဂျပန်နိုင်ငံများသို့ မသွားရောက်မီ ဗြိတိန်နှင့် အိုင်ယာလန်သို့ အလည်အပတ် ခရီးစဉ်အဖြစ် သမ္မတ ဂျိုးဘိုင်ဒင်နှင့်အတူ လိုက်ပါသွားရန် စီစဉ်ထားကြောင်း အမေရိကန်နိုင်ငံခြားရေးဌာနက တနင်္လာနေ့တွင် ပြောကြားခဲ့သည်။
ဘိုင်ဒင် သည် အင်္ဂါနေ့မှ သောကြာနေ့အထိ ဗြိတိန်နှင့် အိုင်ယာလန်သို့ သွားရောက်မည်ဖြစ်သည်။
ဘလင်ကန်သည် ဗီယက်နမ်နိုင်ငံမှ တာဝန်ရှိသူများနှင့် တွေ့ဆုံဆွေးနွေးကာ နှစ်နိုင်ငံ ဘက်စုံပူးပေါင်းဆောင်ရွက်မှု ၁၀ နှစ်မြောက် နှစ်ပတ်လည်နေ့ကို ဂုဏ်ပြုသည့် အနေဖြင့် ဗီယက်နမ်နိုင်ငံ ဟနွိုင်းသို့ သွားရောက်မည်ဖြစ်ကြောင်းကိုလည်း အဆိုပါဌာနက ပြောကြားခဲ့သည်။
ထို့အပြင် ဘလင်ကန်သည် ဂျပန်နိုင်ငံ၊ Karuizawa တွင် ကျင်းပမည့် G7 နိုင်ငံခြားရေးဝန်ကြီးများ အစည်းအဝေးသို့ တက်ရောက်ရန် ဂျပန်သို့ ဆက်လက်သွားရောက်မည်ဖြစ်သည်။
