ယနေ့ ဧပြီလ (၁၉) ရက် နံနက် (၆) နာရီဝန်းကျင်က စစ်ကိုင်းမြို့ရှိ စက်သုံးဆီသိုလှောင်ရောင်းချသည့် နေအိမ်တွင် မီးလောင်မှုဖြစ်ပွားခဲ့ကြောင်း မြန်မာနိုင်ငံ မီးသတ်တပ်ဖွဲ့နှင့် လူမှုကူညီရေးအသင်းများထံမှ သိရသည်။
စစ်ကိုင်းမြို့၊ နီလာရပ်ကွက်ရှိ စက်သုံးဆီသိုလှောင်ရော င်းချသည့် နေအိမ်တွင် ယနေ့နံနက် (၆) နာရီ (၁၅) မိနစ်အချိန်ခန့်က မီးလောင်မှုဖြစ်ပွားခဲ့ခြင်းဖြစ်ပြီး အခင်းဖြစ်နေရာသို့ စစ်ကိုင်းခရိုင် မီးသတ်စခန်း၊ စစ်ကိုင်းမြို့နယ်မီးသတ်စခန်း ၊ စိန်ကုန်းအရန်မီးသတ်စခန်း၊ ထုံးဘိုအရန်မီးသတ်စခန်း၊ နီလာနယ်မြေ မီးသတ်စခန်းတို့မှ တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့် လူမှုကူညီရေးအသင်းဝင်များက ဝိုင်းဝန်းငြှိမ်းသတ်ခဲ့ကြရကြောင်း မြ န်မာနိုင်ငံ မီးသတ်တပ်ဖွဲ့မှ သိရသည်။
“ဆီပေပါတွေနဲ့ စက်သုံးဆီတွေကို လှောင်ထားတာ။ လ တ်တလောကတော့ မီးငြိမ်းသွားပြီ ။ (၄၅) မိနစ်လောက်တော့ ဝိုင်းငြှိမ်းခဲ့ရတယ်။ ဖြစ်စဥ် အတိအကျကို မီးသတ်က စစ်ဆေးပြီးမှသိရမှာပါ “ဟု အခင်းဖြစ်နေရာသို့ ရော က်ရှိနေသည့် လူမှုကူညီရေးအသင်းဝင်တစ်ဦးက ပြောသ ည်။
မီးလောင်ကျွမ်းမှုမှာ နံနက် (၇) နာရီ ဝန်းကျင်တွင် မီးငြိမ်းသွားခဲ့ပြီး မီးလောင်မှုဖြစ်ပွားရသည့် အကြောင်းရင်းနှင့်ပျက်စီးဆုံးရှုံးမှု တန်ဖိုးအား မီးသတ်တပ်ဖွဲ့ တာဝန်ရှိသူ များက စစ်ဆေးလျက်ရှိကြောင်း သိရသည်။