ကမ္ဘောဒီးယားနိုင်ငံက အိမ်ရှင်အဖြစ်လက်ခံကျင်းပခဲ့သည့် (၃၂)ကြိမ်မြောက် အရှေ့တောင်အာရှအားကစားပြိုင်ပွဲကြီးတွင် မြန်မာနိုင်ငံမှ ရွေတံဆိပ်ဆု ၂၁ ခုအပါအ၀င် ဆုတံဆိပ် ၁၁၄ ခုရရှိခဲ့ကြောင်း သိရသည်။
ကမ္ဘောဒီးယားနိုင်ငံတွင် ၂၀၂၃ ခုနှစ်၊ မေလ (၅) ရက်နေ့မှ (၁၇) ရက်နေ့အထိ ကျင်းပခဲ့သည့် ပြိုင်ပွဲကြီးတွင် အားကစားနည်း (၃၆) နည်း ထည့်သွင်း ကျင်းပခဲ့သော်လည်း မြန်မာနိုင်ငံအနေဖြင့် အားကစားနည်း (၁၉) နည်းကိုသာ ဝင်ရောက်ယှဉ်ပြိုင်ခဲ့သည်။
ထိုသို့၀င်ရောက်ယှဉ်ပြိုင်ရာ ဗိုဗီနမ် ကစားနည်းမှ ရွှေ ၄၊ ငွေ ၃၊ ကြေး ၁၇ ဆု၊ ဗိုဗီနမ် (ခွန်ဘိုကာတာ) ကစားနည်းမှ ရွှေ ၁၊ ငွေ ၂၊ ကြေး ၆ ဆု၊ ဗိုဗီနမ် (အားနစ်) ကစားနည်းမှ ရွှေ ၂၊ ငွေ ၂၊ ကြေး ၈ ဆု၊ ပိုက်ကျော်ခြင်း ကစားနည်းမှ ရွှေ ၂၊ ငွေ ၂၊ ကြေး ၁ ဆု၊ ခြင်းလုံး ကစားနည်းမှ ရွှေ ၄၊ ငွေ ၃၊ ကြေး ၁ ဆု၊ ဘိလိယက်/စနူကာ ကစားနည်းမှ ရွှေ ၃၊ ကြေး ၂ ဆု၊ ရိုးရာလှေ ကစားနည်းမှ ရွှေ ၁၊ ငွေ ၅၊ ကြေး ၂ ဆု၊ ဝူရှုးကစားနည်းမှ ရွှေ ၁၊ ငွေ ၃၊ ကြေး ၃ ဆု၊ တိုက်ကွမ်ဒို ကစားနည်းမှ ကစားနည်းမှ ရွှေ ၁၊ ကြေး ၄ ဆု၊ အလေးမ ကစားနည်းမှ ရွှေ ၁၊ ကြေး ၂ ဆု၊ ပီတန်း ကစားနည်းမှ ရွေ ၁ ဆု၊ ခွန်ခမာ ကစားနည်းမှ ငွေ ၂၊ ကြေး ၇ ဆု၊ ဂျူဒို ကစားနည်းမှ ငွေ ၁ ၊ ကြေး ၃ ဆု၊ ဘောလုံး (အမျိုးသမီး) ငွေ ၁၊ ကြက်တောင် ကစားနည်းမှ ငွေ ၁၊ လက်ဝှေ့ ကစားနည်းမှ ကြေး ၆ ဆု၊ စစ်တုရင် ကစားနည်းမှ ကြေး ၂ ဆု၊ ပြေးခုန်ပစ် ကစားနည်းမှ ကြေး ၂ ဆု၊ ခရစ်ကတ် ကစားနည်းမှ ကြေး ၁ ဆု၊ E Sports ကစားနည်းမှ ကြေး ၁ ဆု စုစုပေါင်း ရွှေတံဆိပ်ဆု ၂၁ ဆု၊ ငွေတံဆိပ်ဆု ၂၅ ဆု၊ ကြေးတံဆိပ်ဆု ၆၈ ခု ကို မြန်မာအားကစားအဖွဲ့မှ ဆွတ်ခူးနိုင်ခဲ့သည်။
မြန်မာအားကစားအဖွဲ့သည် ၂၀၁၃ ခုနှစ်က အိမ်ရှင်အဖြစ်လက်ခံကျင်းပခဲ့သည့် ဆီးဂိမ်းပြိုင်ပွဲအပြီးတွင် ယခုနှစ်သည် ဆုတံဆိပ်အများဆုံးရရှိသည့် နှစ်ဖြစ်လာခဲ့သည်။
မြန်မာအားကစားအဖွဲ့သည် ၂၀၁၃ ခုနှစ်တွင် ရွေ ၈၄၊ ငွေ ၆၃၊ ကြေး ၈၄ စုစုပေါင်း ၂၃၁ ဆု၊ ၂၀၁၅ ခုနှစ်တွင် ရွေ ၁၆၊ ငွေ ၂၅၊ ကြေး ၃၂စုစုပေါင်း ၆၈ ဆု၊ ၂၀၁၇ ခုနှစ်တွင် ရွေ ၇၊ ငွေ ၁၀၊ ကြေး ၂၀ စုစုပေါင်း ၃၇ ဆု၊
၂၀၁၉ ခုနှစ်တွင် ရွေ ၄၊ ငွေ ၁၈ ၊ ကြေး ၅၁ စုစုပေါင်း ၇၃ ဆု၊
၂၀၂၁ ခုနှစ်တွင် ရွေ ၉၊ ငွေ ၁၈၊ ကြေး ၃၅ စုစုပေါင်း ၆၂ ဆု၊
၂၀၂၃ ခုနှစ်တွင် ရွေ ၂၁ ၊ ငွေ ၂၅၊ ကြေး ၆၈ စုစုပေါင်း ၁၁၄ ဆု ရရှိခဲ့ခြင်းဖြစ်သည်။
ပြီးခဲ့သည့် ၂၀၂၁ ခုနှစ် မေလက ဗီယက်နမ်နိုင်ငံတွင် ကျင်းပခဲ့သည့် (၃၁) ကြိမ်မြောက် အရှေ့တောင်အာရှအားကစားပြိုင်ပွဲတွင် အောင်မြင်မှုရရှိခဲ့သည့် အားကစားသမားများအား နိုင်ငံတော်အနေဖြင့် တစ်ဦးချင်းပြိုင်ပွဲများအတွက် ရွှေတံဆိပ် ကျပ်သိန်း (၃၀၀)၊ ငွေတံဆိပ် ကျပ်သိန်း(၂၀၀)၊ ကြေးတံဆိပ် ကျပ်သိန်း(၁၀၀)၊ အသင်းလိုက်ပြိုင်ပွဲများအတွက် ရွှေ အသင်းလိုက် တစ်ဦးချင်း ကျပ်သိန်း(၁၀၀)၊ ငွေ အသင်းလိုက် တစ်ဦးချင်း ကျပ်သိန်း(၇၀)၊ ကြေး အသင်းလိုက် တစ်ဦးချင်း ကျပ်(၃၅)သိန်း ပေးအပ်ချီးမြှင့်ခဲ့ပြီး ယခု (၃၂)ကြိမ်မြောက် အရှေ့တောင်အာရှအားကစားပြိုင်ပွဲကြီးတွင်လည်း အောင်မြင်မှုရရှိခဲ့သည့် အားကစားသမားများအား ထိုက်ထိုက်တန်တန် ချီးမြှင့်ငွေများ ထောက်ပံ့ချီးမြှင့်နိုင်ရေးအတွက် စီစဉ်ဆောင်ရွက်နေကြောင်း သိရသည်။
