ကျန်းမာရေးဝန်ကြီးဌာန၏ မေ ၁၇ ရက်ည ၈ နာရီ ထုတ်ပြန်ချက်အရ ကိုဗစ်(၁၉)ရောဂါ ဓာတ်ခွဲအ တည်ပြုလူနာသစ် ၁၃၉ ဦးထပ်မံတွေ့ရှိခဲ့ရကြောင်း သိရသည်။
ကျန်းမာရေးဝန်ကြီးဌာနမှ မေ ၁၆ ရက်ည ၈ နာရီမှ ၁၇ ရက်ည ၈ နာရီအတွင်း ဓာတ်ခွဲနမူနာ ၉၇၄၉ ခုအားစစ်ဆေးခဲ့ရာ ဓာတ်ခွဲအတည်ပြုလူနာသစ် (၁၃၉)ဦးကိုတွေ့ရှိရသဖြင့် ရောဂါပိုးတွေ့ရှိမှုရာခိုင်နှုန်းမှာ(၁ ဒသမ ၄၃)ရာခိုင်နှုန်းဖြစ်ကြောင်း သိရသည်။
ကျန်းမာရေးဝန်ကြီးဌာနမှ ကိုဗစ်(၁၉)သံသယလူနာများ၊ဓာတ်ခွဲအတည်ပြုလူနာနှင့်အနီးကပ်ထိတွေ့ခဲ့သူများနှင့်အသွားအလာကန့်သတ်ထားရှိသူများအား ကိုဗစ်(၁၉) ရောဂါရှိ/မရှိ ဓာတ်ခွဲစစ်ဆေးခြင်းအား ပုံမှန်ဆောင်ရွက်လျက်ရှိရာ ယနေ့အထိ ဓာတ်ခွဲနမူနာပေါင်း (၁၀၅၃၉၉၉၂)ခုအားစစ်ဆေးခဲ့ပြီး ကိုဗစ်(၁၉)ရောဂါ ဓာတ်ခွဲအတည်ပြုလူနာ(၆၃၇၆၂၂)ဦးရှိပြီဖြစ်ကြောင်း သိရသည်။
ဓာတ်ခွဲအတည်ပြုလူနာများအား နေအိမ်တွင်သီး ခြားထားရှိခြင်းနှင့်ဆေးရုံများတွင်သီးခြားထားရှိကုသမှုပေးခြင်းများဆောင်ရွက်ခဲ့၍ ယနေ့အထိပြန်လည်ကောင်းမွန်လာသူ(၆၁၆၄၄၂)ဦးရှိပြီဖြစ်ကာ ထပ်မံသေဆုံးသူမရှိသဖြင့် သေဆုံးသူ (၁၉၄၉၄)ဦးရှိကြောင်း သိရသည်။
