အိန္ဒိယနှင့်ထိုင်းပြီးလျှင်ကမ္ဘာ့ တတိယမြောက် စပါး အတင်ပို့နိုင်ဆုံးဗီယက်နမ်နိုင်ငံသည် ၎င်း၏ ဆန်တင်ပို့မှုကို ၂၀၃၀ ခုနှစ်တွင် တစ်နှစ်လျှင် တန်ချိန် ၄ သန်းအထိ လျော့ချသွားရန် ရည်မှန်းထားကြောင်း၊ ပြီးခဲ့သောနှစ်တွင်လည်း ဆန်တင်ပို့မှုတန်ချိန် ၇ သန်းကျော် လျှော့ချခဲ့ကြောင်း အစိုးရကထုတ်ပြန်ခဲ့သည်။
ထိုသို့လုပ်ဆောင်မှုသည် အရည်အသွေးမြင့် ဆန်တင်ပို့မှု၊ ပြည်တွင်း စားနပ်ရိက္ခာဖူလုံမှု၊ သဘာဝပတ်ဝန်းကျင်ကို ကာကွယ်ရန်နှင့် ရာသီဥတုပြောင်းလဲမှုနှင့် လိုက်လျောညီထွေဖြစ်စေရန် ရည်ရွယ်ခြင်းဖြစ်ကြောင်း မေလ ၂၆ ရက် နေ့စွဲဖြင့် ရိုက်တာ သတင်းဌာနက သုံးသပ်ဖော်ပြထားသည်။
၂၀၃၀ တွင် ဆန်တင်ပို့မှုမှ ၀င်ငွေသည် တစ်နှစ်လျှင် ကန်ဒေါ်လာ ၂ ဒသမ ၆၂ ဘီလီယံအထိ ကျဆင်းသွားမည်ဖြစ်သည်။
မဲခေါင်မြစ်ဝကျွန်းပေါ်ဒေသရှိ စပါးစိုက်တောင်သူအချို့သည် ၎င်းတို့၏လယ်မြေများကို သစ်သီးခြံအဖြစ် ပြောင်းလဲလုပ်ကိုင်နေကြပြီး သရက်သီး၊ ကျွဲကောသီးနှင့် ဒူးရင်းတို့ကိုပြောင်းစိုက်လာကြသည်။သို့သော် အများစုကမူစပါးကို မှီခိုနေရဆဲဖြစ်ကြောင်း ကုန်သည်တစ်ဦးက ပြောသည်။
ရာသီဥတုဖောက်ပြန်ခြင်း၊ ပင်လယ်ရေမြင့်တက်ခြင်းတို့ကြောင့် မဲခေါင်မြစ်ဝကျွန်းပေါ်ဒေသတွင် ဆားရည်များ သိသိသာသာ တိုးလာကာ ပုစွန်မွေးမြူခြင်းကိုပြောင်းလဲလုပ်ကိုင်နေသည်မှာ အတော်ကြာပြီဖြစ်သည်။
Ref: NikkeiAsia
