လော့ဆန်းဂျလိစ်၊ဇူလိုင် ၉
လော့ဆန်းဂျလိစ်မြို့အနီးရှိ လေဆိပ်တစ်ခုအနီး၌ ဇူလိုင် ၈ ရက်နေ့ကဂျက် လေယာဉ်ငယ်တစ်စီးပျက်ကျပြီး မီးလောင်မှုဖြစ်ပွားခဲ့ရာ ယာဉ်ပေါ်ရှိ လူခြောက်ဦးစလုံးသေဆုံးခဲ့ကြောင်းအာဏာပိုင်များကပြောကြားခဲ့သည်။
စီးပွားရေးလုပ်ငန်းသုံးအဆိုပါဂျက် လေယာဉ်သည် လပ်စ်ဗီးဂတ်စ်မှထွက်ခွာလာပြီး French valley လေဆိပ်အနီးတွင်ပျက်ကျသွားခြင်းဖြစ်ကြောင်းသိရှိရသည်။
သေဆုံးသွားသောခရီးသည်များနှင့် လေယာဉ်မှူးတို့မှာ အရွယ်ရောက်ပြီးသူများသာဖြစ်ကြောင်း အမျိုးသားသယ်ယူပို့ဆောင်မှုဘေးကင်းရေးဘုတ်အဖွဲ့၏ လေကြောင်းစုံစမ်းစစ်ဆေးရေးမှူး အယ်လီးယောတ် ဆင်မ်ဆန် က သတင်းစာရှင်းလင်းပွဲ၌ပြောကြားခဲ့သည်။
ယခုဖြစ်ရပ်မတိုင်မီ ဇူလိုင်လ ၄ ရက်နေ့ကလည်း ခရီးသည်လေးဦးနှင့် လေယာဉ်မှူးတစ်ဦးတို့ပါဝင်သော လေယာဉ်ငယ် တစ်စီးပျက်ကျခဲ့ပြီး လေယာဉ်မှူးသေဆုံးကာခရီးသည်လေးဦးဒဏ်ရာရခဲ့မှုလည်းဖြစ်ပွားခဲ့သေးသည်။
ယခုစနေနေ့အဖြစ်အပျက်၌မူ လေယာဉ်ပျက်ကျပြီးနောက် လေယာဉ်အမြီးမှလွဲ၍ ကျန်အစိတ်အပိုင်းအားလုံး မီးလောင်ကျွမ်းခဲ့သည်ဟုလည်း မစ္စတာ ဆင်မ်ဆန်ကပြောကြားခဲ့သည်။
Source : Reuters