၂၀၁၁ ခုနှစ်မှ ၂၀၂၃ ခုနှစ် ယခုအကြိမ် အထိ သစ်ပင်စိုက်ပျိုးပွဲတော် ၃၇ ကြိမ်ကျင်းပ
ကာကွယ်ရေးဦးစီးချုပ်ရုံး(ကြည်း၊ရေ၊လေ)မိသားစုများ၏ ဒုတိယအကြိမ်မိုးရာသီသစ်ပင်စိုက်ပျိုးပွဲအား နေပြည်တော်၊ဇေယျာသီရိမြို့နယ်ရှိ ရေဆင်းဆည်အနီးတွင် ဇူလိုင် ၁၄ ရက်က ပြုလုပ်ခဲ့သည်။
ဒုတိယအကြိမ်သစ်ပင်စိုက်ပျိုးပွဲသို့ နစက ဥက္ကဋ္ဌနှင့်ဇနီးဒေါ်ကြူကြူလှတို့တက်ရောက်၍ ရတနာတန်းဝင်ကျွန်းပင်အားဦးဆောင်စိုက်ပျိုးပေးခဲ့ကာ တက်ရောက်လာကြသူများမှလည်း သတ်မှတ်နေရာအသီးသီး၌ သစ်ပင်များကိုစိုက်ပျိုးပေးခဲ့ကြသည်။
ဒုတိယအကြိမ်သစ်ပင်စိုက်ပျိုးပွဲ၌ ရတနာတန်းဝင်ကျွန်းပင် ၁၇၆၄ ပင်၊ မန်ဂျန်ရှား ၈၈၂ ပင်၊ ပိတောက် ၈၈၂ ပင်(စုစုပေါင်း ၃၅၂၈ ပင်)အား ရေဆင်းဆည်ဝန်းကျင်တွင် သဘာဝပတ်ဝန်းကျင်နှင့်ဂေဟစနစ်ထိန်းသိမ်းရေးအတွက် စိုက်ပျိုးပေးခဲ့ကြသည်။
ယနေ့တွင် တိုင်းစစ်ဌာနချုပ်နယ်မြေအသီးသီးတွင်လည်း သစ်ပင်စိုက်ပျိုးပွဲများကျင်းပ၍ ရတနာတန်းဝင်ပင်၊ စက်မှုကုန်ကြမ်းသီးနှံပင်၊ နှစ်ရှည်စားသုံးသီးနှံပင်၊ အရိပ်ရလေကာပင်များကို စုပေါင်းစိုက်ပျိုးခဲ့ကြသည်။
နေပြည်တော်တိုင်းစစ်ဌာနချုပ်၌ ၉၅၀၀ ပင်၊ မြောက်ပိုင်းတိုင်းစစ်ဌာနချုပ်၌ ၂၁၃၁၀ ပင်၊ အရှေ့မြောက်တိုင်းစစ်ဌာနချုပ်၌ ၂၁၂၅၈ ပင်၊ အရှေ့ပိုင်းတိုင်းစစ်ဌာနချုပ်၌ ၁၁၄၄၅ ပင်၊ အရှေ့အလယ်ပိုင်းတိုင်းစစ်ဌာနချုပ်၌ ၂၁၉၉၉ ပင်၊ တြိဂံဒေသတိုင်းစစ်ဌာနချုပ်၌ ၁၄၃၂၂ ပင်၊ အရှေ့တောင်တိုင်းစစ်ဌာနချုပ်၌ ၁၃၂၇၃ ပင်၊ ကမ်းရိုးတန်းဒေသတိုင်းစစ်ဌာနချုပ်၌ ၁၂၉၆၄ ပင်၊ ရန်ကုန်တိုင်းစစ်ဌာနချုပ်၌ ၁၇၂၈၆ ပင်၊ အနောက်တောင်တိုင်းစစ်ဌာနချုပ်၌ ၇၁၉၅ ပင်၊ အနောက်ပိုင်းတိုင်းစစ်ဌာနချုပ်၌ ၁၅၉၆၂ ပင်၊ အနောက်မြောက်တိုင်းစစ်ဌာနချုပ်၌ ၈၇၁၃ ပင်၊ အလယ်ပိုင်းတိုင်းစစ်ဌာနချုပ်၌ ၃၅၂၄၇ ပင်၊ တောင်ပိုင်းတိုင်းစစ်ဌာနချုပ်၌ ၁၃၂၀၀ ပင်(စုစုပေါင်း ၂၂၇၂၀၂ ပင်)အား ဒုတိယအကြိမ်သစ်ပင်စိုက်ပျိုးပွဲတွင် စုပေါင်းစိုက်ပျိုးခဲ့ကြသည်။
ရေဆင်းဆည်ဝန်းကျင်၌ သဘာဝပတ်ဝန်းကျင်နှင့်ဂေဟစနစ်ထိန်းသိမ်းရေးအတွက် ကာကွယ်ရေးဦးစီးချုပ်ရုံး(ကြည်း၊ရေ၊လေ)မိသားစုများက ၂၀၁၁ ခုနှစ်မှ ၂၀၂၃ ခုနှစ် ဒုတိယအကြိမ်သစ်ပင်စိုက်ပျိုးပွဲအထိ သစ်ပင်စိုက်ပျိုးပွဲတော် ၃၇ ကြိမ်ကျင်းပ၍ ရတနာတန်းဝင်ပင်၊နှစ်ရှည်သီးနှံပင်နှင့်အရိပ်ရလေကာပင်ပေါင်း ၁၈၈၀၅၅ ပင်အားစိုက်ပျိုးခဲ့ပြီးဖြစ်ကြောင်း သိရသည်၊
