ပေကျင်း၊ဩဂုတ် ၆
ဩဂုတ်လ ၅ ရက်နေ့၌ ပေကျင်းမြို့အနီးရှိမြို့တစ်မြို့တွင် ရေဘေးကြောင့်လူ ၁၀ ဦးသေဆုံးခဲ့ပြီး တရုတ်နိုင်ငံမြောက်ပိုင်းတွင် လတ်တလောရေကြီးမှုကြောင့် သေဆုံးသူ ၃၀ ဦးအထိဖြစ်လာခဲ့သည်ဟုအာဏာပိုင်များကဆိုသည်။
ပေကျင်းမြို့မှ ၁၅၀ ကီလိုမီတာအကွာတွင်ရှိ
သော ဘော့ဒင်းမြို့၌မူ ပျောက်ဆုံးနေသူ ၁၈ ဦးအထိရှိလာပြီဖြစ်ကြောင်းသိရသည်။ပြီးခဲ့သည့်သောကြာနေ့က တရုတ်ပြည်မကြီးကို ဝင်တိုက်ခဲ့သော စူပါတိုင်ဖွန်းမုန်တိုင်းဒေါ့ခ်ဆူရီကြောင့် လွန်ခဲ့သောနှစ်ပေါင်း ၁၄၀ ကစ၍အပြင်းထန်ဆုံးမိုးရွာသွန်းမှုဖြစ်စေခဲ့သည်။
ဩဂုတ်လ ၅ ရက်၊စနေနေ့တွင်လည်း လူပေါင်း ၁၁ ဒသမ ၅ သန်းအထိရှိသော ဘော့ဒင်းမြို့ခံများအနက် အန္တရာယ်ဖြစ်နိုင်သောနေရာများရှိ ဒေသခံပြည်သူ ၆၀၀,၀၀၀ ကျော်ကိုလည်း ဘေးလွတ်ရာသို့ ရွှေပြောင်းပေးခဲ့သည်ဟုသိရသည်။
အလားတူပင် ရေကြီးမှုနှင့်မြေပြိုမှုများသည် ဆက်စပ်နေသဖြင့် ရေကြီးမှုအတွက်လည်း အနီရောင်အဆင့်သတိပေးချက်ထုတ်ပြန်ထားရသည်ဟုဆိုသည်။
တရုတ်နိုင်ငံသည် မကြာသေးမီလများအတွင်းက ပြင်းထန်သောရာသီဥတုဒဏ်ကို ပြင်းထန်စွာခံစားခဲ့ရပြီး စံချိန်တင်အပူလှိုင်းဖြတ်ခြင်းအပြင် လူအသေအပျောက်များသည့် ရေကြီးခြင်းများအထိ ကြုံတွေ့ခဲ့ရသည်။
နိုင်ငံ့မြို့တော်ပေကျင်း၌ နှစ်ပေါင်း ၁၄၀ အတွင်း စံချိန်တင်မိုးများခဲ့မှုကြောင့် သေဆုံးမှုနှင့်ပျောက်ဆုံးမှုပေါင်း ၁၄၇ ခုဖြစ်ပွားခဲ့ပြီး ယင်းတို့အနက် ဇူလိုင်လကဖြစ်ပွားခဲ့သော ၁၄၂ ခုသည် ရေကြီးခြင်းနှင့်မြေပြိုခြင်းများကြောင့်ဖြစ်ကြောင်း တရုတ်နိုင်ငံအရေးပေါ်စီမံခန့်ခွဲရေးဌာနကပြောကြားခဲ့သည်။
Source : AFP
