မြန်မာ အီလက်ထရောနစ် မဲပေးစက်ကို UEC မှ ဝန်ကြီး ဌာနများအား ရှင်းလင်းပြသပြီး လက်တွေ့သရုပ်ပြစမ်း သပ်မဲပေး

မြန်မာ အီလက်ထရောနစ် မဲပေးစက်နှင့် ပတ်သက်၍ ပြ ည်ထောင်စု ရွေးကောက်ပွဲကော်မရှင်မှ ဝန်ကြီးဌာနများအား ရှင်းလင်းပြသကာ လက်တွေ့သရုပ်ပြစမ်းသပ်မဲပေးခြင်းကို သြဂုတ် (၁၄) ရက် နံနက်ပိုင်း ပြုလုပ်ခဲ့ကြောင်း သိရသည်။

UEC အဖွဲ့ဝင် ဦးကိုကိုလွင်က မြန်မာအီလက်ထရောနစ်မဲပေးစက် (MEVM) အား ရှင်းလင်းပြောကြားကာ UEC ၏ တာဝန်ရှိသူ တစ်ဦးမှလည်း (MEVM) စမ်းသပ်တည်ဆောက်ထားရှိမှုနှင့်ပတ်သက်၍ ထိန်းချုပ်စက်၊ ဆန္ဒပြုစက်၊ဆန္ဒပြုချက် မှန်ကန်မှု ရှိ/မရှိ ပြသသောစက်၊ မဲပုံးနှင့် ဘက်ထရီများ ဖွဲ့စည်းတည်ဆောက်ထားရှိမှု၊ ထည့်သွင်းအသုံးပြုထားသည့် စက်များနှင့် အသုံးပြုရခြင်း ရည်ရွယ်ချက်များ၊မဲပေးစက်မှ မဲရလဒ်များ ထုတ်ယူရေတွက်ခြင်း၊ မဲပေးစက်ကို ထုပ်ပိုးသိမ်းဆည်းခြင်းနှင့် မဲပေးစက်၏ လုံခြုံစိတ်ချရမှုများကို ရှင်းလင်းတင်ပြခဲ့ကြောင်း သိရသည်။

ထို့ပြင် UEC အဖွဲ့ဝင်ဦးအောင်လွင်ဦးက (MEVM) တည် ဆောက်ရခြင်း၏ ရည်ရွယ်ချက်များကို ရှင်းလင်းတင်ပြရာ နစက အဖွဲ့ဝင်၊ပြည်ထောင်စုဝန်ကြီး ဒု-ဗိုလ်ချုပ်ကြီးစိုးထွဋ်နှင့်ပြည်ထောင်စုဝန်ကြီးဦးကိုကိုလှိုင်တို့က မြန်မာအီလက်ထရောနစ်မဲပေးစက်နှင့်ပတ်သက်၍ ဖြည့်စွက်အကြံပြုဆွေးနွေးခဲ့သည်။

ထို့နောက် တာဝန်ရှိသူများနှင့်အရာထမ်း၊ အမှုထမ်း ၈၆ ဦးတို့က မြန်မာအီလက်ထရောနစ် မဲပေးစက်အား လေ့ လာ ကြည့်ရှုကာ လက်တွေ့အသုံးပြု၍ စမ်းသပ်မဲပေးခဲ့ကြသည်။

(MEVM)နှင့်ပတ်သက်၍ရှင်းလင်းပြသခြင်းနှင့်လက်တွေ့သရုပ်ပြစမ်းသပ်မဲပေးခြင်းသို့ နစက အဖွဲ့ဝင်၊ ပြည်ထော င်စုအစိုးရအဖွဲ့ရုံးဝန်ကြီးဌာန (၁) ပြည်ထောင်စုဝန်ကြီး ဒု – ဗိုလ်ချုပ်ကြီး စိုးထွဋ်၊ ပြည်ထောင်စု အစိုးရအဖွဲ့ရုံးဝန် ကြီး ဌာန(၂) ပြည်ထောင်စုဝန်ကြီး ဦးကိုကိုလှိုင်၊ UEC အ ဖွဲ့ဝင်ဦးအောင်လွင်ဦးနှင့် ဦးကိုကိုလွင်၊ ကော်မရှင်ရုံးမှ တာဝန်ရှိသူများနှင့် ဝန်ကြီးဌာနမှ အရာထမ်း အမှုထမ်းများ တက်ရောက်ခဲ့ကြကြောင်း သိရသည်။

မွန်းလွဲပိုင်းတွင်လည်း UEC မှတာဝန်ရှိသူများက စက်မှုဝန်ကြီးဌာနသို့သွားရောက်၍ (MEVM)နှင့်ပတ်သက်၍ ရှင်းလင်းပြောကြားခြင်းနှင့် လက်တွေ့သရုပ်ပြစမ်းသပ်မဲပေးခြင်းများပြုလုပ်ခဲ့ကြပြီး အရာထမ်း၊အမှုထမ်း ၈၅ ဦးကလက်တွေ့မဲပေးခဲ့ကြသည်။

photo credit – Myanmar Digital News