ဘင်္ဂလားဒေ့ရှ် ဝန်ကြီးချုပ် ဟာဆီနာသည် အိန္ဒိယတွင်ကျင်းပမည့် G20 ထိပ်သီးအစည်း အဝေးသို့ အထူးဖိတ်ကြားခံရသဖြင့်တက်ရောက်ရန် နယူးဒေလီသို့စက်တင်ဘာ ၈ ရက်နေ့တွင်သွားရောက် မည်ဖြစ်သည်။
ဘင်္ဂလားဒေ့ရှ် ၀န်ကြီးချုပ် ဟာဆီနာ ရောက်ရှိပြီး နာရီပိုင်းအကြာတွင် အိန္ဒိယ၀န်ကြီးချုပ်၏ နေအိမ်၌ တရားဝင်တွေ့ဆုံကြမည်ဖြစ် ကြောင်း နှစ်နိုင်ငံသံတမန်သတင်းရင်းမြစ်များကို ကိုးကား၍ ယမန်နေ့က နယူးဒေလီသတင်းထောက်က သတင်းပေးပို့သည်။
ထိုသို့ တွေ့ဆုံရာ၍ Teesta နှင့် Ganges ရေခွဲဝေမှုဆိုင်ရာ ကိစ္စရပ်များကို တိုးတက်ရေးဆွေးနွေးမည် မျှော်လင့်ထားကြောင်း နိုင်ငံခြားရေးဝန်ကြီး Masud Bin Momen က တနင်္ဂနွေနေ့တွင် ပြောကြားခဲ့သည်။
ဟာဆီနာ သည် ကမ္ဘာ့အင်အားကြီးနိုင်ငံများ၏ ခေါင်းဆောင်များ၏ ထိပ်သီးအစည်းအဝေး ပြီးဆုံးသည့်နေ့ စက်တင်ဘာ ၁၀ ရက် နံနက်တွင် ဒါကာသို့ ပြန်မည်ဖြစ်သည်။
မိုဒီ နှင့် ဟာဆီနာ တို့သည် မကြာသေးမီက တောင်အာဖရိကနိုင်ငံ Johannesburg တွင်BRICS ထိပ်သီးအစည်းအဝေးသို့ တက်ရောက်ခဲ့ကြရင်း အလွတ်သဘော ပြောဆိုခဲ့ကြသေးသည်။
နယူးဒေလီတွင် ဟာဆီနာနှင့် မိုဒီတို့ကြား တွေ့ဆုံမှုသည် ဘင်္ဂလားဒေ့ရှ် အထွေထွေရွေးကောက်ပွဲ မတိုင်မီ ဖြစ်သည့်အတွက် သိသိသာသာ အရေးကြီးသည်ဟု ရှုမြင်သည်။
ဟာဆီနာသည် ဒေလီတွင်နေထိုင်စဉ်အတွင်း ဆော်ဒီအိမ်ရှေ့မင်းသားနှင့် အပါအဝင် အခြားနိုင်ငံများနှင့်ပါတွေ့ဆုံသွားမည်ဖြစ်သည်။
Source: thedailystar