ယခုဘဏ္ဍာနှစ်၏ ငါးလတာကာလအတွင်း၊၂၀၂၃-၂၀၂၄ ဘဏ္ဍာနှစ်ဖြစ်သည့် ဧပြီလ ၁ ရက်မှ စက်တင်ဘာ ၁ ရက်အထိ မြန်မာ-ထိုင်းနယ်စပ်ကုန်သွယ်ရေးဇုန်မှ ကုန်သွယ်မှုတန်ဖိုးစုစုပေါင်း ကန်ဒေါ်လာ ၂ ဒသမ ၃၉ ဘီလီယံ ရရှိထားပြီး ယမန်နှစ်ကာလတူနှင့်နှိုင်းယှဉ်ပါက ကန်ဒေါ်လာ ၁၉၂ ဒသမ ၂၃၉ သန်း တိုးလာသည်။
ထိုင်း-မြန်မာ နယ်စပ်ကုန်သွယ်ရေးမှ မြန်မာ့လယ်ယာထွက်ကုန်များဖြစ်သည့် ပြောင်း၊ ရော်ဘာ၊ ငရုတ်၊ ပဲ၊ အားလူး၊ ကြက်သွန်နှင့် ရေထွက်ကုန်ဖြစ်သည့် ငါး၊ ပုဇွန်၊ ဂဏန်းများကို ထိုင်းနိုင်ငံသို့ အဓိကတင်ပို့ထားပြီး ပို့ကုန်ဝင်ငွေ ကန်ဒေါ်လာ ၁ ဒသမ ၆၇ ဘီလီယံရရှိထားကြောင်း သိရသည်။
ထို့ပြင် ထိုင်းနိုင်ငံမှ CMP အထည် အလိပ်၊ဆေးဝါးနှင့်ဆက်စပ်ပစ္စည်း၊ စိုက်ပျိုးရေးသုံးနှင့် စက်ရုံသုံး ကုန်ကြမ်း၊ ဆောက်လုပ်ရေးလုပ်ငန်းသုံးကုန်ပစ္စည်း၊ စက် နှင့် စက်အပိုပစ္စည်း၊ စားသောက်ကုန် အစရှိသည်တို့ကို အများဆုံး တင်သွင်းနေပြီးအဆိုပါ သွင်းကုန်တင်သွင်းမှုမှ ကန်ဒေါ်လာ ၇၁၈ ဒသမ ၁၀၂ သန်းရရှိထားကြောင်း ကုန်သွယ်မှုစာရင်းများတွင်တွေ့ရသည်။
ပြီးခဲ့သည့် ဩဂုတ်လထိ မြင့်တက်နေသည့် ထိုင်းဘတ်ငွေလဲနှုန်းမှာ ပြန်လည်ကျဆင်းလာနေပြီဖြစ်သည်။
