ဘန်ကောက်၊အောက်တိုဘာ ၁၂
အစ္စရေး – ဟားမတ်စ်ပဋိပက္ခအတွင်း ထိုင်းနိုင်ငံသားေ သ-ဆုံးသူ ၂၁ ဦးအထိရှိလာပြီဖြစ်ကြောင်း ဝန်ကြီးချုပ်ဆရီသာသာဗီဆင်က အောက်တိုဘာ ၁၂ ရက်တွင်ပြောကြားခဲ့သည်။
ပါလက်စတိုင်းစစ်သွေးကြွအဖွဲ့ ဟားမတ်စ်၏ တိုက်ခိုက်မှုကြောင့် နှစ်ဖက်တင်းမာမှုမြင့်တက်လာပြီး အပြန်အလှန်တိုက်ပွဲဖြစ်ပွားကာ ထောင်ချီေ သ-ဆုံးခဲ့ပြီး ဓ-ားစာခံ ၁၅၀ ကျော်ဖမ်းဆီးခံထားရကြောင်းသိရသည်။
အစ္စရေးနိုင်ငံ၌ စိုက်ပျိုးရေးကဏ္ဍဖြင့်အလုပ်လုပ်ကိုင်နေသူထိုင်းလူမျိုး ၃၀,၀၀၀ ကျော်ရှိကြောင်း ထိုင်းအလုပ်သမားဝန်ကြီးဌာန၏ထုတ်ပြန်ချက်အရသိရသည်။
ထိုင်းလူမျိုး ၁၄ ဦးသည်လည်း ဓ-ားစာခံအဖြစ်ဖမ်းခေါ်သွားရသည့်အထဲပါဝင်နေသဖြင့် စိုးရိမ်မှုများလည်းမြင့်တက်လာသည်။ထိုင်းအစိုးရဘက်မှ ၎င်းနိုင်ငံသားများကိုပြန်လည်ခေါ်ယူပေးနေသဖြင့် အစ္စရေးရောက်ထိုင်းနိုင်ငံသားမိသားစုဝင်များသည် သုဝဏ္ဏဘူမိလေဆိပ်တွင်စုရုံးစောင့်ကြည့်နေကြသည်ဟုလည်းသိရသည်။
ပထမအသုတ်ပြန်ကြိုလာသည့်လေယာဉ်တွင် ထိုင်းနိုင်ငံသား ၁၅ ဦးပါဝင်ကာ ဒဏ်ရာရလာသူများလည်းရှိသည်ဟုဖော်ပြထားသည်။
ပြန်လာသူများထဲတွင် ခြေထောက်ပြ-တ်လာသူများလည်းရှိကာ ထိုင်းနိုင်ငံသား ၅,၀၀၀ ကျော်သည် နိုင်ငံပြန်ခွင့်ရရန်လျှောက်ထားသဖြင့် သံတမန်များဘက်ကလည်း ရေကြောင်း၊ကုန်းကြောင်းဖြင့်အတတ်နိုင်ဆုံးအမြန်ဆုံးခေါ်ယူနိုင်ရန်ကြိုးစားနေကြသည်ဟုလည်းဆိုခဲ့သည်။
Source : AFP