မြန်မာနိုင်ငံသို့ ရောက်ရှိနေသည့် ရုရှားဖက်ဒရေးရှင်းနိုင်ငံ ရေတပ်ဦးစီးချုပ်ဦးဆောင်သည့် ကိုယ်စားလှယ်အဖွဲ့အား တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်မှ နေပြည်တော်ရှိ ဇေယျာသီရိ ဗိမာန်ဧည့်ခန်းမတွင် ယနေ့ နံနက်ပိုင်းက လက်ခံတွေ့ဆုံခဲ့ကြောင်း သိရသည်။
အဆိုပါ တွေ့ဆုံပွဲသို့ တပ်တော်ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်နှင့်အတူ ကာကွယ်ရေးဦးစည်းချုပ်ရုံး(ကြည်း)မှ ဒုတိယဗိုလ်ချုပ်ကြီး ရဲဝင်းဦး ၊ ကာကွယ်ရေး ဦးစီးချုပ် (ရေ) ဗိုလ်ချုပ်ကြီး မိုးအောင်နှင့် တပ်မတော် အရာရှိကြီးများ တက်ရောက်ခဲ့ကြောင်း သိရသည်။
ထို့အပြင် ရုရှားဖက်ဒရေးရှင်းနိုင်ငံ ရေတပ်ဦးစီးချုပ် Admiral Nikolai A.EVMENOV ၊ မြန်မာနိုင်ငံဆိုင်ရာ ရုရှားသံအမတ်နှင့် ရုရှားရေတပ်မှ အရာရှိများ ပါဝင်ကြောင်းလည်း သိရသည်။
ထိုသို့တွေ့ဆုံရာတွင် နှစ်နိုင်ငံတပ်မတော်များအကြား ချစ်ကြည်ရင်းနှီးမှုတိုးမြှင့်ဆောင်ရွက်နေသည့်အခြေအနေများ၊ တပ်မတော်ရေတပ် နှစ်ရပ်အကြား ကာကွယ်ရေးကိစ္စများ ပူးပေါင်း ဆောင်ရွက်နေမှု၊ နှစ်နိုင်ငံ ရေတပ်နှစ်ရပ်ကြား ပင်လယ်ရေကြောင်း လုံခြုံရေးအတွက် ပူးပေါင်း လေ့ကျင့်သွားမည့် အခြေအနေများကို ဆွေးနွေးခဲ့ကြကြောင်း သိရသည်။
ထို့အပြင် တပ်မတော် နှစ်ရပ်အကြားယဉ်ကျေးမှု အပြန်အလှန်ဖလှယ်နိုင်မှုအခြေအနေများ ယခုထက်ပိုမို တိုးတက်အောင် ဆောင်ရွက်သွားမည့်အခြေအနေများကိုလည်း ထည့်သွင်းဆွေးနွေးခဲ့ကြောင်း သိရသည်။
