လက်ရှိဘောလုံးလောကရဲ့ GOAT (Greatest Of All Time) ကြီး ၂ ပါးလို သတ်မှတ်ခံထားရတဲ့ မက်ဆီနဲ့ ခရစ္စတီယာနို ရော်နယ်ဒိုတိုရဲ့ နောက်ဆုံးအကြိမ် ထိပ်တိုက်တွေ့ဆုံပွဲလို့ဆိုရမယ့် ပွဲစဥ်ကို တာဝန်ရှိသူတွေက စီစဥ်လိုက်ပြီဖြစ်ပါတယ်။
ခရစ္စတီယာနို ရော်နယ်လ်ဒို အသင်းခေါင်းဆောင်အဖြစ်ဦးဆောင်တဲ့ အယ်လ်နာဆာနဲ့ မက်ဆီဦးဆောင်တဲ့ အင်တာမိုင်ယာမီအသင်းတို့ဟာ လာမယ့် ၂၀၂၄ ခုနှစ် ဖေဖော်ဝါရီလအတွင်း ဆော်ဒီအာရေဗျမြေမှာကစားဖို့ ကနဦးအတည်ပြုထားပါတယ်။
ပြီးခဲ့တဲ့ ဇန်ဝါရီလက ယှဥ်ပြိင်ကစားခဲ့တဲ့ ချစ်ကြည်ရေး ခြေစမ်းပွဲဟာ အကြိတ်အနယ်ရှိခဲ့ပြီး လီယွန်နယ် မက်ဆီက ၁ ဂိုး၊ ခရစ္စတီယာနို ရော်နယ်လ်ဒို က ၂ ဂိုးသွင်းယူနိုင်ခဲ့ပါတယ်။
