ပဲခူးတိုင်းဒေသကြီး၊ ပြည်မြို့၊ ကိုးသောင်းဈေးအနီး (ဗိုလ်ချုပ်လမ်းမပေါ်တွင်) ဆိုင်ကယ်နှင့် စက်ဘီးတိုက်မိမှုဖြစ်ပွားခဲ့ပြီး ကလေး (၂) ဦး နှင့် အမျိုးသား (၁)ဦးတို့ ထိခိုက်ဒဏ်ရာများ ရရှိခဲ့ကြောင်း မြန်မာနိုင်ငံ လူမှုကယ်ဆယ်ရေးအဖွဲ့ (ပြည်)မှသိရသည်။
ပြည်မြို့၊ ကိုးသောင်းဈေးအနီး (ဗိုလ်ချုပ်လမ်းမပေါ်တွင်) ဒီဇင်ဘာ (၁၁) ရက် နံနက် (၇) နာရီခွဲ အချိန်ခန့်က ဆိုင်ကယ်နှင့် စက်ဘီးတိုက်မိခဲ့ရာမှ ဒဏ်ရာရ လူနာများရှိသဖြင့် အ ရေးပေါ် လာရောက် ကူညီပေးပါရန် မြန်မာနိုင်ငံ လူမှုကယ် ဆယ်ရေးအဖွဲ့(ပြည်)သို့ ဆက်သွယ်အကြောင်းကြားချက်အရ သွားရောက်ကူညီခဲ့ခြင်း ဖြစ်သည်။
အခင်းဖြစ်နေရာတွင် ဆိုင်ကယ်နှင့် စက်ဘီးတိုက်မိမှုကြောင့် ကလေး (၂) ဦးနှင့် အမျိုးသား(၁)ဦး (မစိုးရိမ်ရ) မူးဝေ၊ ခြေလက်ပွန်းပဲ့ဒဏ်ရာများ ရရှိခဲ့ပြီး လိုအပ်သည်များကို ဆေး ကုသပြုစုကာ ဖေးမကူညီပေးခဲ့ကြောင်း သိရသည်။
