အမေရိကန်သမ္မတဟောင်း ဒေါ်နယ်ထရန့်သည် မိန်းပြည်နယ် မဲဆန္ဒနယ်မြေတွင် သမ္မတလောင်းအဖြစ်မှ ဖယ်ရှားခံခဲ့ရကြောင်း CNN သတင်းတွင် ဖော်ပြထားသည်။
မိန်းပြည်နယ် နိုင်ငံခြားရေးဝန်ကြီး ရှီနာဘဲလိုးစ် မှ ထုတ်ပြန်သော ဆုံးဖြတ်ချက်သည် အမေရိကန်ဖွဲ့စည်းပုံ အခြေခံဥပဒေဆိုင်ရာ ၁၄ ကြိမ်မြောက် ပြင်ဆင်ချက် အပိုင်း ၃ ကို အခြေခံထားသည်။ မည်သူမဆို ဖွဲ့စည်းပုံအခြေခံဥပဒေကို ထောက်ခံရန် ကျမ်းသစ္စာကျိန်ဆိုပြီးနောက် ၎င်းအား ဆန့်ကျင်ပုန်ကန်မှုတွင် ပါဝင်ပတ်သက်သူ မည်သူကိုမဆို ရွေးကောက်ပွဲဝင်ခြင်းကို တားမြစ်ပိတ်ပင်ထားသည်။ ယင်းဥပဒေပြင်ဆင်ချက်ကို ၁၈၆၁-၆၅ ခုနှစ် အမေရိကန် ပြည်တွင်းစစ်အပြီးတွင် တောင်ပိုင်းမှ နိုင်ငံရေးသမားများ၏ အခွင့်အရေးများကို ကန့်သတ်ရန်အတွက် အတည်ပြုခဲ့ခြင်းဖြစ်သည်။
သို့သော်လည်း ထရမ့်က ယင်းဆုံးဖြတ်ချက်ကို အယူခံဝင်မည်ဟု ပြောကြားခဲ့သဖြင့်၊ မိန်းပြည်နယ် နိုင်ငံခြားရေးဝန်ကြီး ရှီနာဘဲလိုးစ် ကလည်း သူမ၏ စီရင်ချက်ကို ဆိုင်းငံ့ခဲ့သည်။
အစောပိုင်းကလည်း Trump သည် ကော်လိုရာဒိုပြည်နယ်ရှိ အဓိကမဲဆန္ဒနယ်တစ်ခု မှဖယ်ရှားခံခဲ့ရသေးသည်။
၂၀၂၁ ခုနှစ် ဇန်န၀ါရီလ ၆ ရက် ၂၀၂၁ တွင်၊ ထိုအချိန်က ထရမ့်အုပ်ချုပ်ရေးကို ထောက်ခံသူများသည် ၂၀၂၀ ပြည့်နှစ် နိုဝင်ဘာလအတွင်းက ကျင်းပခဲ့သော အမေရိကန်သမ္မတရွေးကောက်ပွဲ၏ ရလာဒ်ဖြစ်သည့် ဒီမိုကရက်တစ်ပါတီမှ ဂျိုးဘိုင်ဒင် အနိုင်ရခဲ့ခြင်းကို အမေရိကန်ကွန်ဂရက်လွှတ်တော်က အသိအမှတ်ပြုလိုက်ခြင်းအား ပျက်ပြယ်စေရန် ကြိုးပမ်းခဲ့ကြသည်။
အမေရိကန်ပြည်ထောင်စု သမ္မတရွေးကောက်ပွဲကို ၂၀၂၄ ခုနှစ် နိုဝင်ဘာလတွင် ကျင်းပမည်ဖြစ်သည်။ လက်ရှိသမ္မတ ဂျိုးဘိုင်ဒင်သည် အိမ်ဖြူတော်ဒုတိယသက်တမ်းအတွက် သမ္မတလောင်းအဖြစ် ဝင်ရောက်အရွေးခံမည့် လှုပ်ရှားမှုများကို ယခုနှစ် ဧပြီလနှောင်းပိုင်းကတည်းကပင်လျှင် တရားဝင်စတင်ခဲ့သည်။ အမေရိကန်သမ္မတဟောင်း ဒေါ်နယ်ထရမ့်ကလည်း သမ္မတလောင်းပြန်လည်အရွေးခံမည့် ၎င်း၏အစီအစဉ်ကို ၂၀၂၂ ခုနှစ် နိုဝင်ဘာလကတည်းက ကြေညာခဲ့သည်။
