ပဲခူးတိုင်းဒေသကြီး၊ ပဲခူးမြို့နယ်၊ မဲခုန်ကျေးရွာ၊ မဇင်းရပ်ကွက်၊ တိုးချဲ့ (၂)လမ်းရှိ ရာဘာမှိုင်းခံ စက်ရုံမီးလောင်မှုဖြစ်ပွားရာ မီးသတ်ယာဉ် (၆)စီးဖြင့် သွားရောက်ပြီး (၁)နာရီဝန်းကျင်ကြာအောင် ငြှိမ်းသတ်ခဲ့ရကြောင်း မီးသတ်တပ်ဖွဲ့ သတင်းများအရ သိရသည်။
ဇန်နဝါရီ (၂၄) ရက်၊ နံနက် (၁)နာရီ (၃၈) မိနစ်အချိန်ခန့်က ပဲခူးမြို့နယ်၊ မဲခုန်ကျေးရွာရှိ ရာဘာမှိုင်းခံ စက်ရုံ မီးလောင်မှုဖြစ်ပွားကြောင်း သတင်းအရ ပဲခူးတိုင်း/ခရိုင်/မြို့နယ်မီးသ တ်စခန်းတို့မှ မီးသတ်ယာဉ် (၆)စီးတို့ဖြင့် ထွက်ခွာငြှိမ်းသတ်ခဲ့ကြောင်း သိရသည်။
အဆိုပါ မီးလောင်ကျွမ်းမှုကို (၁)နာရီနီးပါးခန့် ငြှိမ်းသတ်ခဲ့ရပြီး နံနက် (၂)နာရီခွဲအချိန်တွင် မီးငြိမ်းခဲ့ကြောင်းနှင့် ဖြစ်စဉ်နှင့် ပတ်သက်၍ မီးသတ်တပ်ဖွဲ့မှ လိုအပ်သည်များ ဆက်လက်လုပ်ဆောင်သွားမည်ဖြစ်ကြောင်း သိရသည်။
