မွန်ပြည်နယ်အတွင်း ကုမ္ပဏီ(၇)ခုကို နိုင်ငံတော်မှ နိုင်ငံခြား ငွေတောင်းခံခြင်း မပြုဘဲ တစ်လ ပျှမ်းမျှစက်သုံးဆီ မက်ထရစ်တန် ၄၀,၀၀၀ ကို တင်သွင်းသိုလှောင်ဖြန့်ဖြူးပေးနိုင်ရေး တာဝန်ပေးအပ်သွားမည်ဟု မွန်ပြည်နယ် ဝန်ကြီးချုပ် ဦးအောင်ကြည်သိန်းက ပြောဆိုလိုက်သည်။
မွန်ပြည်နယ်အတွင်းသို့ အစိုးရအဖွဲ၏ ကြီးကြပ်မှုဖြင့် စက်သုံးဆီတင်သွင်းသိုလှောင်ဖြန့်ဖြူးနိုင်ရေး လုပ်ငန်း ညှိနှိုင်း အစည်းအဝေးကို ဖေဖော်ဝါရီ (၈)ရက် မွန်းလွဲပိုင်းက ပြည် နယ်အစိုးရအဖွဲရုံး၌ ကျင်းပစဉ် ဝန်ကြီးချုပ်က ပြောဆိုခဲ့ခြင်းဖြစ်သည်။
ထိုသို့ တာဝန်ပေးအပ်ခြင်းခံရသည့် ကုမ္ပဏီများအနေဖြင့် စက်သုံးဆီများကို ပြည်ပမှ မှာယူနိုင်မည့် အခြေအနေ၊ တင်သွင်းရောက်ရှိလာသည့် စက်သုံးဆီများကို သိုလှောင်ထားရှိနိုင်မည့်အခြေအနေ၊ ပြန်လည် ဖြန့်ဖြူး ရောင်းချ ပေးနိုင်င်မည့် အခြေအနေနှင့် အစီအမံများ၊ Shipment Plan စီစဉ်ရေးဆွဲထားရှိမှုများကို ဆွေးနွေးတင်ပြကြစေလိုကြောင်းလ ည်း ၎င်းက ဆိုသည်။
ကုမ္ပဏီများမှ ဆွေးနွေးတင်ပြသည့် တင်သွင်းသိုလှောင်ဖြန့်ဖြူးမည့် အစီအမံနှင့် Shipment Plan ရေးဆွဲထားရှိမှုများအပေါ် သက်ဆိုင်ရာဌာနများမှ ပြန်လည်ဆွေးနွေး တင်ပြပေးရန်နှင့် တင်သွင်းလာမည့် စက်သုံးဆီများကိုလည်း ထိုက်သင့်သည့် ဈေးနှုန်းများဖြင့် ပြန်လည်ဖြန့်ဖြူးရော င်းချ ပေးနိုင်ရေး လက်လီ/လက္ကားဈေးနှုန်းတွက်ချက်သ တ်မှတ်မှုပုံစံများကို ရေးဆွဲဆောင်ရွက်သွားရမည်ဖြစ်ကြောင်း ဆက်လက်ပြောဆိုခဲ့သည်။
မွန်ပြည်နယ်အတွင်းရှိ စက်သုံးဆီအရောင်းဆိုင်(၁၆၄)ဆိုင်မှ ယခင်ဖြန့်ဖြူးရောင်းချခဲ့မှု အခြေအနေများအရ စက်သုံးဆီ (၁)ရက် လိုအပ်ချက်၊ စက်သုံးဆီ မှာယူမှု၊ သိုလှောင်မှု၊ ဖြန့် ဖြူးမှု၊ လက်ကျန်အခြေအနေတို့ကို နေ့စဉ် စိစစ်ကြပ်မတ်ဆောင်ရွက်သွားရန် လိုအပ်ကြောင်းလည်း ဝန်ကြီးချုပ်က ပြောသည်။
ထိုနောက် ပြည်နယ်ရေနံထွက်ပစ္စည်း ကြီးကြပ်စစ်ဆေးရေးဦးစီးဌာန အရာရှိ ဦးသန်းထွေးက စက်သုံဆီတင်သွင်းသို လှောင်ဖြန့်ဖြူးခြင်းလုပ်ငန်းဆောင်ရွက်သွားမည့် အစီအစဉ်များအား ရှင်းလင်းတင်ပြခဲ့ပြီး တက်ရောက်လာသော လုပ်ငန်းရှင်ကုမ္ပဏီများက လုပ်ငန်းဆောင်ရွက်မည့် အခြေအနေများကို ရှင်းလင်းတင်ပြခဲ့ကြောင်း သိရသည်။
မွန်ပြည်နယ်ရေနံနှင့် ရေနံထွက်ပစ္စည်းဆိုင်ရာလုပ်ငန်းများ ထိန်းသိမ်းကြီးကြပ်ရေးဆပ်ကော်မတီဝင်များ၊ ပြည်နယ်အဆင့်ဌာနဆိုင်ရာများနှင့် ပြည်နယ်အစိုးရအဖွဲဝင်ဝန်ကြီးများ၏ အကြုံပြုဆွေးနွေး တင်ပြချက်များ အပေါ် ပြည် နယ်ဝန်ကြီးချုပ်က လိုအပ်သည်များကို ပေါင်းစပ်ညှိနှိင်းဖြည့်ဆည်းပေးခဲ့ကြောင်း သိရသည်။
