ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ်၊ စက်ဆန်းရပ်ကွက်၊ အထက်ပုဇွန်တောင်လမ်းတွင် မီးလောင်မှုဖြစ်ပွားပြီး နေအိမ် (၂)လုံး ဆုံးရှုံးခဲ့ကြောင်း မီးသတ်တပ်ဖွဲ့နှင့် လူမှုကူညီရေးအသင်းများထံမှ သိရသည်။
ဖေဖော်ဝါရီ (၂၁)ရက် ညနေ (၃)နာရီ (၅၀)မိနစ်အချိန်ခန့်က စက်ဆန်းရပ်ကွက်၊ အထက်ပုဇွန်တောင်လမ်းတွင် မီးလောင်မှု ဖြစ်ပွားကြောင်း သတင်းအရ မင်္ဂလာတောင်ညွန့်မြို့နယ်မီးသတ်စခန်းမှ မီးသတ်ယာဉ်(၂)စီးနှင့်အတူ လူမှုကူညီရေးအသင်များမှ ထွက်ခွာငြှိမ်းသတ်ခဲ့ကြောင်း သိရသည်။
ထိုသို့ ငြှိမ်းသတ်ရာ နေ့လည် (၃)နာရီ (၅၃)မိနစ်အချိန်တွင် မီးလောင်မှုမှာ Level 1 အဆင့်သို့ရောက်ရှိကာ ယာဉ်အုပ်စုများ ထွက်ခွာငြှိမ်းသတ်ခဲ့ရပြီး ညနေ (၄)နာရီ (၃)မိနစ်အချိန်တွင် မီးငြှိမ်းသတ်နိုင်ခဲ့ကြောင်း သိရသည်။
ဖြစ်စဉ်နှင့် ပတ်သက်၍ မီးလောင်မှု အကြောင်းရင်း ထိခိုက်ပျက်စီးဆုံးရှုးမှု အသေးစိတ် စာရင်းများကို မီးသတ်တပ်ဖွဲ့မှ တွက်ချက် စစ်ဆေးသွားမည်ဖြစ်ကြောင်း သိရသည်။
