ကရင်ပြည်နယ်၊ ကမမောင်းကျေးရွာရှိ နေရပ်စွန့်ခွာ အိမ် ထောင်စု (၂၀၀)ခန့်အတွက် ယနေ့ ဧပြီ(၂)ရက်တွင် ပြည်နယ်အဆင့် မြန်မာနိုင်ငံ လူမှုကူညီရေးအဖွဲ့က စားနပ်ရိက္ခာများ သွားရောက်ကူညီထောက်ပံ့သွားမည်ဖြစ်ကြောင်း အဖွဲ့တာ ဝန်ခံတစ်ဦးက ပြောသည်။
ထိုသို့ ထောက်ပံ့ပေးအပ်ရာ၌ တစ်အိမ် ထောင်လျှင် ဆန် (၄) ပြည်နှုန်းအပါအဝင် ဆီတစ်လီတာ၊ ကြက်သွန်နီတစ်ပိဿာ၊အာလူးတစ်ပိဿာ၊ ခေါက်ဆွဲ ၊အသားတု တစ်ပိဿာ၊ ငြုပ်မုန့် အစိမ်း/အကျက် ၊ ဟင်းချိုမုန့် အစရှိသည့် မီးဖိုချောင်သုံးစားနပ်ရိက္ခာများ ထောက်ပံ့သွားမည်ဖြစ်ကြောင်း သိရသည်။
လက်ရှိတွင် ကရင်ပြည်နယ် ကော့ကရိတ်ခရိုင် ကော့ကရိတ်မြို့နယ်နှင့် ကော့ဘိန်းမြို့နယ်များမှ တိုက်ပွဲရှောင် နေရပ်စွန်ခွာပြည်သူများ ဘားအံမြို့ပေါ်ရှိ ဘုန်းကြီးကျောင်းများနှင့် ခိုလှုံရာနေရာ (၁၀)ခုတို့တွင် ဒေသခံပြည်သူ ထောင်နှင့်ချီ၍ ခိုလှုံနေထိုင်လျက်ရှိသည်။
ပြီးခဲ့သည့် မတ်လ (၂၆)ရက်ကလည်း ထိုင်း-မြန်မာ နှစ်နိုင်ငံကြက်ခြေနီ အသင်းတို့ပူးပေါင်း၍ ကော့ကရိတ်မြို့နယ်မှ န ဘူးကျေးရွာ၊ ဘားအံမြို့နယ်မှ သာမညကျေးရွာ၊ လှိုင်းဘွဲ့မြို့နယ်မှ ပိုင်ကျုံမြို့များရှိ ယာယီနေရပ်စွန်ခွာအိမ် ထောင်စုများအတွက် လူသားချင်းစာနာထောက် ထားမှုအနေဖြင့် စားနပ်ရိက္ခာများပေး အပ်ခဲ့သေးသည်။
ဓာတ်ပုံ -CJ
