မေလ (၃၀)ရက်တွင် ကျေးဇူးတော်ရှင်မဟာဗောဓိမြိုင် ဆရာတော်ကြီး ခန္ဓာဝန်ချသည်မှာ တစ်လပြည့်မည်ဖြစ်သည်။
ထိုနေ့၌ ဆရာတော်ကြီးသီတင်းသုံးခဲ့ဖူးသည့် နေပြည်တော် ၊ ပုဗ္ဗသီရိမြို့နယ်ရှိ လက်လုပ်တောင်တောရကျောင်း၌ နံနက် (၈)နာရီမှ ည (၈)နာရီထိ တစ်နေ့တာ စုပေါင်းတရားထိုင်ကြမည် ဖြစ်ပြီး ည (၈)နာရီမှ (၉)နားရီထိ ဗောဓိရိပ်ငြိမ်တောရ ဆရာတော်က တရားဟောကြားပေးမည် ဖြစ်ကြောင်း သိရသည်။
ထို့အပြင် တစ်နေ့တာ ယောဂိီများကို နေ့လယ်စာဆွမ်းကပ်မည်ဖြစ်ကာ ညတရားနာပရိတ်သတ်များအား မုန့်ဟင်းခါးဖြင့်ဧည့်ခံမည်ဖြစ်ကြောင်းလည်း သာသနာဟိတကာရီ (ဂေါ ပက)အဖွဲ့နှင့် ဒါယကာ ဒါယိကာမများထံမှလည်း သိရသည်။
မဟာဗောဓိမြိုင်ဆရာတော်ဘုရားကြီးသည် ဧပြီလ(၃၀)ရက်က ဘဝနတ္ထံ ပျံလွန်တော်မူသွားခြင်းဖြစ်ပြီး ပျံလွန်တော်မူချိန်တွင် သက်တော် (၈၃)နှစ်၊ သိက္ခာတော် (၄၅)ဝါရှိခဲ့ပြီ ဖြစ် သည်။
