၂၀၂၄ ခုနှစ် ဇွန် (၇) ရက်နှင့် (၈) ရက်၊ (၂)အတွင်း ကျပ်သိန်း (၂၂၀၀)ကျော် တန်ဖိုးရှိ တရားမဝင် သစ်မျိုးစုံ၊ စားသောက်ကုန်ပစ္စည်းများ၊ လုပ်ငန်းသုံးပစ္စည်းများနှင့် မော်တော် ယာဉ်များ ဖမ်းဆီးရမိကြောင်း တရားမဝင်ကုန်သွယ်မှုတိုက်ဖျက်ရေးဦးဆောင်ကော်မတီထုတ်ပြန်ချက်အရ သိရသည်။
ဇွန်လ (၇) ရက်တွင် အကောက်ခွန်ဦးစီးဌာန၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများဆောင်ရွက်ရာတွင် အေးရှားဝေါလ် ကုန်သေတ္တာစစ်ဆေးရေးစခန်း၌ ကုန်သေတ္တာ (၁) လုံးအတွင်းမှ ပိုင်ရှင်မှ စွန့်လွှတ်ကြောင်း တင်ပြလာသည့် စက်မှုကုန်ကြမ်းပစ္စည်း Footwear Reclaimed (၃၀၆၀) ကီလိုဂရမ် အပါအဝင် ကုန်ပစ္စည်း (၂) မျိုး ၊ ခန့် မှန်းတန်ဖိုးငွေကျပ် ၂၂,၆၀၀,၀၀၀ ကို သိမ်းဆည်းခဲ့ကြောင်းသိရသည်။
ထို့ပြင် မရမ်းချောင် အမြဲတမ်းစစ်ဆေးရေးစခန်း၌ သာမညမှ ရန်ကုန်မြို့သို့ မောင်းနှင်လာသည့် မော်တော်ယာဉ် (၁) စီးပေါ်မှ တရားဝင် စာရွက်စာတမ်းအထောက်အထား တင်ပြနိုင်ခြင်းမရှိသည့် Maxx Value အင်ဂျင်ဝိုင် (၁၄၄၀) ဘူး၊ ခန့် မှန်းတန်ဖိုးငွေကျပ် ၁၀,၂၀၀,၀၀၀ နှင့် အဆိုပါ ပစ္စည်းများ တင်ဆောင်လာသည့် Higher Bus (၁) စီး ၊ ခန့်မှန်းတန်ဖိုးငွေကျပ် ၃၅,၀၀၀,၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံးလုပ်နည်းများနှင့်အညီ အရေးယူထားကြောင်း သိရသည်။
ဇွန်လ (၇) ရက်၌ပင် စစ်ကိုင်းတိုင်းဒေသကြီးတရားမဝင်ကုန်သွယ်မှုတိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးခဲ့ရာ စစ်ကိုင်းမြို့၊ ရတနာပုံတံတား ပူးပေါင်း စစ်ဆေးရေးဂိတ်၌ လိုင်စင်မဲ့ Toyota Vanguard မော်တော်ယာဉ် (၁) စီး၊ ခန့်မှန်းတန်ဖိုးငွေကျပ် ၈,၀၀၀,၀၀၀ ကို ပို့ကုန်သွင်းကုန် ဥပဒေအရလည်းကောင်း၊ စစ်ကိုင်းမြို့၊ ပါရမီ ရပ်ကွက်၌ တရားမဝင် အခြားသစ် (၂ ဒသမ ၁၅၉) တန် ၊ ခန့်မှန်းတန်ဖိုးငွေကျပ် ၁,၁၄၁,၅၄၀ ကို သစ်တော ဥပဒေအရလည်းကောင်း ဖမ်းဆီးအရေးယူထားသည်။
ထို့ပြင် ဇွန်လ (၇) ရက်တွင် မွန်ပြည်နယ်၊ တရားမဝင်ကုန်သွယ်မှုတိုက်ဖျက်ရေးအထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့က စစ်ဆေးမှုများ ဆောင်ရွက်ခဲ့ရာ ကျိုက်မရောမြို့၊ မြို့အဝင်လမ်းဆုံ၌ ရပ်တန့်ထားသော မော်တော် ယာဉ် (၂) စီးပေါ်မှ တရားဝင်စာရွက်စာတမ်းအထောက်အထား တင်ပြနိုင်ခြင်းမရှိသည့် ပန်းသီး (၁၀၅၀) ကီလိုဂရမ်၊ Mingzhu ဂျုံအိတ် (၂၅) ကီလိုဂရမ်ပါ (၃၀) အိတ်၊ ပိုးသတ်ဆေးဟု ယူဆရသော အရည် (၁၀၀၀) ဂါလန် အပါအဝင် ကုန်ပစ္စည်း (၂) မျိုး၊ ခန့်မှန်းတန်ဖိုး ငွေကျပ် ၁၅,၅၀၀,၀၀၀ နှင့် အဆိုပါ ပစ္စည်းများ တင်ဆောင်လာသည့် Toyota Hilux (၁) စီးနှင့် Nissan Condor (၁) စီး၊ ခန့်မှန်းတန်ဖိုးငွေကျပ် ၇၅,၀၀၀,၀၀၀ ကို ဖမ်းဆီးရမိခဲ့ပြီး အကောက်ခွန်လုပ်ထုံး လုပ်နည်းများနှင့်အညီ အရေးယူဆောင်ရွက်လျက်ရှိကြော င်း သိရသည်။
ထို့အတူ ဇွန် (၇) ရက်နှင့် (၈) ရက်တို့တွင် ပဲခူးတိုင်းဒေသကြီး ၊ တရားမဝင်ကုန်သွယ်မှု တိုက်ဖျက်ရေး အထူးအဖွဲ့၏ စီမံခန့်ခွဲမှုဖြင့် တာဝန်ကျပူးပေါင်းအဖွဲ့များက စစ်ဆေးမှုများ ဆောင်ရွက်ခဲ့ရာ ပန်းတောင်းမြို့နယ်၊ ညောင်ချေထောက်ကျေးရွာ၌ လိုင်စင်မဲ့ Toyota Alphard မော်တော်ယာဉ် (၁) စီးနှင့် Toyota Voxy မော်တော်ယာဉ်(၁) စီး၊ ခန့်မှန်းတန်ဖိုးငွေကျပ် ၂၇,၀၀၀,၀၀၀ ကိုလည်းကောင်း၊ တောင်ငူမြို့နယ်၌ လိုင်စင်မဲ့ Toyota Belta မော်တော်ယာဉ် (၁) စီး ၊ ခန့် မှန်းတန်ဖိုးငွေကျပ် ၉,၀၀၀,၀၀၀) ကိုလည်းကောင်း၊ ဥသျှစ်ပင်မြို့နယ်၌ လိုင်စင်မဲ့ Toyota Alphard မော်တော်ယာဉ် (၁) စီး၊ ခန့်မှန်းတန်ဖိုး ငွေကျပ် ၁၂,၀၀၀,၀၀၀ ကိုလည်းကောင်း၊ ညောင်ခါးရှည်မြို့နယ်၊ ကမ်းကြီးဆိပ်ကျေးရွာအနီး၌ လိုင်စင်မဲ့ Honda Insight မော်တော်ယာဉ် (၂) စီး ၊ ခန့်မှန်းတန်ဖိုးငွေကျပ် ၁၀,၀၀၀,၀၀၀ ကိုလည်းကောင်း၊ စုစုပေါင်း ခန့်မှန်းတန်ဖိုးငွေကျပ် ၅၈,၀၀၀,၀၀၀ ကို ဖမ်းဆီးရမိခဲ့ပြီး ပို့ကုန်သွင်းကုန်ဥပဒေနှင့်အညီ အရေးယူဆောင်ရွက်လျက်ရှိကြောင်း သိရသည်။
သို့ဖြစ်ပါ၍ ဇွန် (၇) ရက်နှင့် (၈) ရက်တို့တွင် ဖမ်းဆီးရမိမှု စုစုပေါင်းမှာ အမှုတွဲ (၁၆) မှု၊ ခန့်မှန်းတန်ဖိုးငွေကျပ် ၂၂၅ ,၄၄၁,၅၄၀ ခန့်ရှိပြီး သက်ဆိုင်ရာ ဥပဒေများနှင့်အညီအရေး ယူဆောင်ရွက်လျက် ရှိကြောင်း တရားမဝင်ကုန်သွယ်မှု တိုက်ဖျက်ရေး ဦးဆောင်ကော်မတီထံမှ သိရသည်။
