ဂျေရုဆလင်၊ဇွန် ၁၁
ဂါဇာ၌ဖြစ်ပွားနေသည့် ရှစ်လသက်တမ်းကြာစစ်ပွဲကို ရပ်တန့်နိုင်ရေးအတွက် ကုလက ပံ့ပိုးကူညီသည့် အပစ်အခတ်ရပ်စဲရေးအစီအစဉ်ကို အစ္စရေးက လက်ခံရန် တိုက်တွန်းဖို့ အမေရိကန်နိုင်ငံခြားရေးဝန်ကြီး အန်တိုနီ ဘလင်ကန်သည် အစ္စရေးဝန်ကြီးချုပ်နေတန်ယာဟုနှင့်တွေ့ဆုံဆွေးနွေးခဲ့ကြောင်းသိရသည်။
မစ္စတာဘလင်ကန်သည် ဂျေရုဆလင်၌ အစ္စရေးဝန်ကြီးချုပ်နှင့် နှစ်နာရီကြာတွေ့ဆုံဆွေးနွေးခဲ့ပြီးနောက် အပစ်အခတ်ရပ်စဲရေးအတွက် သံတမန်နည်းလမ်းများဖြင့် ဆွေးနွေးခဲ့ကြောင်းလည်းသိရသည်။
ဟားမတ်စ်တို့က အစ္စရေး ကို စတင်တိုက်ခိုက်ပြီးနောက် အစ္စရေး – ဟားမတ်စ်အရေးအခင်း ရှစ်လတာကာလအတွင်း မစ္စတာဘလင်ကန်သည် အစ္စရေးသို့ရှစ်ကြိမ်မြောက်သွားရောက်ခြင်းဖြစ်သည်။
အစ္စရေးသည် ပြီးခဲ့သည့်စနေနေ့က ဓ-ါးစာခံလေးဦးကို အသက်ရှင်လျက် ကယ်ထုတ်နိုင်ခဲ့သော်လည်း ၎င်း၏ထိုးစစ်ကြောင့် ပါလက်စတိုင်းဒေသခံများ အပျက်အစီးအေ-သအပျောက်များခဲ့သဖြင့် နိုင်ငံရေးအရ တွန်းအားပေးခံရမှုများလည်းရှိနေခဲ့သည်။
ဓ-ါးစာခံလေးဦးကိုကယ်ထုတ်လာနိုင်သဖြင့် အစ္စရေးဘက်၌ အောင်ပွဲခံပျော်ရွှင်နေကြသော်လည်း ယင်းသို့ကယ်ထုတ်နိုင်ရန် အစ္စရေး၏ထိုးစစ်နှင့်ဗုံးကျဲမှုများကြောင့် လူ ပေါင်း ၂၇၄ ဦးေ-သဆုံးကာ ၇၀၀ နီးပါးဒဏ်ရာရခဲ့သဖြင့် ဟားမတ်စ် တို့က ဝေဖန်ရှုံ့ချခဲ့သည်။
Source : စီအင်န်အေ
