ဂါဇာရှိ ပါလက်စတိုင်းအရပ်သား ၂ သန်းနီးပါး အိုးအိမ်မဲ့ဖြစ်–ကုလ

ကုလသမဂ္ဂ၊ဇူလိုင် ၃

ဂါဇာကမ်းမြောင်ဒေသဆိုင်ရာ ကုလသမဂ္ဂ၏လူသားချင်းစာနာမှုဆိုင်ရာညှိနှိုင်းရေးမှူးက လူပေါင်း ၁ ဒသမ ၉ သန်းသည် ယခုအခါ အိုးအိမ်စွန့်ခွာထွက်ပြေးခဲ့ရကြောင်းနှင့် ခန်းရိုနစ်မှ ဘေးလွတ်ရာ သို့ ရွှေ့ပြောင်းရန်အမိန့်အသစ်များ ထွက်လာသဖြင့် အလွန်စိုးရိမ်မိကြောင်းပြောကြားခဲ့သည်။

အစ္စရေးတပ်၏ အဆိုပါပြောင်းရွှေ့အမိန့်သည် ဂါဇာအရပ်သား နှစ်သိန်းငါးသောင်းကျော်ကိုထိခိုက်စေနိုင်ခဲ့ကြောင်းလည်း ကုလသမဂ္ဂကခန့်မှန်းထားသည်။

ဂါဇာသည် အကူအညီများကို အလုံအလောက်မရသေးဘဲ စစ်ပွဲဒဏ်ခံနေရသည့် အနေအထားသို့ရောက်ရှိနေပြီးဂါဇာကမ်းမြောင်တောင်ဘက်သို့ အကူအညီအသစ်များ ထပ်မံဝင်ရောက်နိုင်မှသာလျှင် လူသားချင်းစာနာထောက်ထားမှုဆိုင်ရာအကူအညီအတွက် အဆင်ပြေမည်ဖြစ်ကြောင်းလည်းပြောကြားခဲ့သည်။

ဂါဇာနှင့်အီဂျစ်ကြား၌ ရာဖာမြို့ကို ဖြတ်ကျော်၍ ထောက်ပံ့ရေးကို ပြန်လည်ဖွင့်လှစ်သင့်ပြီး ကယ်ဆယ်ရေးလုပ်ငန်းများနှင့် ရန်ပုံငွေသုံးစွဲမှုများကို ပိုမိုလုပ်ဆောင်ရန်လည်း နိုင်ငံတကာအသိုင်းအဝိုင်းကို ပန်ကြားခဲ့သည်။

ရာဖာ၌ အစ္စရေးစစ်ဆင်ရေး စတင်ချိန်မှစ၍ ဂါဇာကမ်းမြောင်သို့ ထောက်ပံ့ေနသည့် ပမာဏသည် သိသိသာသာ ကျဆင်းသွားခဲ့ကြောင်းလည်းထပ်လောင်းပြောကြားခဲ့သည်။

ဂါဇာရှိ ဟားမတ်စ်ဦးဆောင်သော စစ်သွေးကြွများက အစ္စရေးတောင်ပိုင်းသို့ ယမန်နှစ်အောက်တိုဘာ ၇ ရက်က ဝင်ရောက်စီးနင်းခဲ့ရာ လူပေါင်း ၁,၂၀၀ ဝန်းကျင်‌ေ-သဆုံးခဲ့ကာ ဓ-ါးစာခံ ၂၅၀ ကျော်ဖမ်းဆီးခံရ၍ အစ္စရေးက မြေပြင်နှင့်လေကြောင်းစစ်ဆင်ရေးများကို အစပျိုးခဲ့ခြင်းလည်းဖြစ်သည်။

Source : အေအက်ဖ်ပီ/အက်ဖ်အက်စ်