တစ်ကျော့ပြန်တိုက်ပွဲဖြစ်ပွားနေသည့်
ရှမ်းပြည်မြောက်ပိုင်း၊ ကျောက်မဲမြို့တွင်
အခြေခံစားသောက်ကုန်အချို့ ပြတ်လပ်မှုများရှိလာကြောင်း ကျောက်မဲစစ်ရှောင်အရေးကူညီဆောင်ရွက်ပေးနေသူတစ်ဦးက ပြောသည်။
အခြေခံစားသောက်ကုန်အချို့ ပြတ်လပ်နေခြင်းကြောင့် မြို့တွင်းဈေးဆိုင်များ ပိတ်ထားရကြောင်းနှင့် ဆေးဝါးရောင်းချသည့်ဆိုင်များလည်း ပိတ်ထားရပြီဖြစ်ကြောင်း သိရသည်။
လက်ရှိတွင် မြို့တွင်းကျန်ရှိသူထက်ဝက်ခန့်သာရှိနေပြီး၊ ကျန်မြို့ခံများမှာ နောင်ပိန်လေးနှင် စခန်းသာ စစ်ရှောင်စခန်းများတွင် ခိုလှုံလျှက်ရှိကာ ၎င်းတို့သည်ပင်လျှင် စားနပ်ရိက္ခာ ပြတ်လပ်မှုများနှင့်ကြုံတွေ့နေကြရကြောင်း ဆိုသည်။
“စားနပ်ရိက္ခာကတော့ အိမ်ဆိုင်အနည်းငယ်သာကျန်နေတယ်။ စားသောက်ကုန်များ ပြတ်လတ်နေပါပြီ။ ပိုက်ဆံရှိလို့လည်းဝယ်မရတော့ဘူး ။ဆေးဆိုင်တွေလည်းမရှိတော့ဘူး။ဝယ်မရတော့ဘူး။ဝယ်လို့ရတာကြက်ဥအများဆုံးဖြစ်နေပါတယ်။”ဟု ၎င်းက ပြောသည်။
ကျောက်မဲမြို့အတွင်း တိုက်ပွဲဖြစ်ပွားသည့်နေ့မှစ၍ ယနေ့အချိန်အထိ လျှပ်စစ်မီးပြတ်တောက်နေသည်ဟု သိရပြီး ယင်းအတွက် ဖုန်းလိုင်းနှင့် အင်တာနက်လိုင်းအချို့ မကြာခဏ ပြတ်တောက်မှုဖြစ်ပွားလျှက်ရှိေကြာင်း သိရသည်။
ပြီးခဲ့သော ဇွန်(၂၅)ရက်မှစတင် ဖြစ်ပွားခဲ့သော ကျောက်မဲမြို့တိုက်ပွဲကို အခြေပြု၍ သီပေါနှင့် လားရှိုးမြို့များတွင်လည်း ပစ်ခတ်တ်ိုက်ခိုက်မှုများဆက်လက်ဖြစ်ပွားနေကြောင်း သိရသည်။
