ကူရီဂါရမ်၊ဇူလိုင် ၇
ဘင်္ဂလားဒေ့ရှ်နိုင်ငံ၌ မိုးသည်းထန်စွာရွာသွန်းမှုကြောင့် အဓိကမြစ်ကြီးများရေအဆမတန်မြင့်တက်လာပြီး ရေကြီးရေလျှံမှုများဖြစ်ပေါ်ခဲ့ရာ ေ-သဆုံးသူ ၈ ဦးရှိခဲ့ပြီး နှစ်သန်းကျော်သည်ရေလွှမ်းမိုးမှု ဒဏ်ကိုခံစားနေရကြောင်းသိရသည်။
ရာသီဥတုပြောင်းလဲမှုများကြောင့် လိုသည်ထက်ပို၍ မိုးရွာသွန်းမှုများရှိလာကာ အပူချိန်မြင့်တက်လာမှုကလည်း ဟိမဝန္တာရှိရေခဲတောင်များကိုအရည်ပျော်စေခဲ့သဖြင့် ရေကြီးရေလျှံမှုလည်းဖြစ်စေခဲ့သည်။
ဘင်္ဂလားဒေ့ရှ်အစိုးရကမူ လက်ရှိအချိန်၌ ၎င်းတို့အနေဖြင့် ရေဘေးကြောင့်ထိခိုက်ခဲ့ရသူများအတွက် ယာယီရေဘေးကယ်ဆယ်ရေးစခန်းများဖွင့်လှစ်ထားပြီး အစားအသောက်နှင့်ထောက်ပံ့ရေးပစ္စည်းများကိုပါ ပို့ဆောင်ပေးခဲ့ကြောင်းလည်းဆိုခဲ့သည်။
“လက်ရှိအခြေအနေအရ လူနှစ်သန်းလောက်ရေဘေးသင့်နေပြီး နိုင်ငံမှာရှိတဲ့ ခရိုင် ၆၄ ခုထဲမှာ ၁၇ ခုက ရေဘေးဒဏ်ခံနေရပါတယ်” ဟုလည်း နိုင်ငံ၏သဘာဝဘေးစီမံခန့်ခွဲရေးဌာနမှတာဝန်ရှိသူတစ်ဦးကပြောကြားခဲ့သည်။
ဆက်လက်၍လည်း ရေကြီးမှုအခြေအနေသည် ပိုဆိုးလာနိုင်ကြောင်း ၎င်းကပြောကြားခဲ့ပြီး
ဘင်္လားဒေ့ရှ်သည် ရေဘေးဒဏ်ခံရသည်မှာ အထူးအဆန်းမဟုတ်သော်လည်း ယခုနှစ်ကပိုမိုဆိုးရွားသည်ဟုပြောကြားခဲ့သည်။
Source : အေအက်ဖ်ပီ/အာရ်ဂျေ