ဒိုဟာ၊ဩဂုတ် ၁၆
အစ္စရေးနှင့်ဟားမတ်စ်တို့၏ အပစ်အခတ်ရပ်စဲရေးညှိနှိုင်းမှုသည် အလားအလာကောင်းကြောင်း အမေရိကဘက်မှပြောကြားခဲ့သော်လည်း ဂါဇာ၌ အစ္စရေး၏ဗုံးကြဲကြောင့် ေ-သဆုံးသူမှာ ၄၀,၀၀၅ ဦး အထိရှိလာပြီဖြစ်ကြောင်းသိရသည်။
ယမန်နှစ်အောက်တိုဘာ ၇ ရက်က ဟားမတ်စ်အဖွဲ့က အစ္စရေးဘက်သို့စတင်တိုက်ခိုက်မှုကြောင့် ဖြစ်ပေါ်လာရသော အဆိုပါစစ်ပွဲသည် အစ္စရေး၏တုန့်ပြန်မှုများကြောင့် ဆယ်လကျော်ကာလအတွင်း ဂါဇာကိုအလုံးစုံနီးပါးပျက်စီးစေခဲ့သည်။
အခြားတစ်ဖက်တွင်လည်း နှစ်ဘက်အဖွဲ့အစည်းများအကြား အပစ်အခတ်ရပ်စဲရေးအကောင်အထည်ဖော်နိုင်ရန် ကမ္ဘာ့နိုင်ငံခေါင်းဆောင်များက ကြားဝင်စေ့စပ်ပေးလျက်ရှိပြီး ယခုတွေ့ဆုံမှုကို ကာတာနိုင်ငံ ဒိုဟာမြို့၌ပြုလုပ်ကာ အမေရိကန်ဗဟိုထောက်လှမ်းရေးအေဂျင်စီ ဒါရိုက်တာလည်းပါဝင်မည်ဟုသိရသည်။
နှစ်ဘက်အနေဖြင့် အကြိမ်ကြိမ်ညှိနှိုင်းမှုများပြုလုပ်ခဲ့သော်လည်း လက်ရှိအချိန်အထိ အပစ်အခတ်ရပ်စဲရေး ကို တစ်ကြိမ်သာ အကောင်အထည်ဖော်နိုင်သေးသည်။
အဆိုပါအပစ်အခတ်ရပ်စဲရေးကာလအတွင်း ဟားမတ်စ်တို့က ထိန်းချုပ်ထားသည့် အစ္စရေးဓ&ါးစာခံ ၁၀၅ ဦးကိုပြန်လွှတ်ပေးခဲ့ပြီး အစ္စရေးလက်ထဲ၌ ထိန်းသိမ်းခံထားရသည့် ပါလက်စတိုင်းအကျဉ်းသား ၂၄၀ လည်း ပြန်လွတ်လာခဲ့သည်။
Source : အေအက်ဖ်ပီ/အက်ဖ်အက်စ်
