နေပြည်တော်အတွင်း ပြီးခဲ့သည့်ရက်ပိုင်းအတွင်းကစတင်၍ မိုးသည်းထန်စွာရွာသွန်းပြီး မြစ်ရေ၊ချောင်းရေများမြင့်တက်စီးဆင်းမှုကြောင့် နေရာအနှံ့တွင် ရေကြီးရေလျှံမှုများဖြစ်ပေါ်လျက်ရှိရာ ရေဘေးကြုံတွေ့နေရသူများသည် ယာယီရေဘေးရှောင်စခန်းများနှင့်ဘုန်းတော်ကြီးကျောင်းများသို့ ရွေ့ပြောင်းနေထိုင်ကြရသည်။
ထိုသို့ ရွှေ့ပြောင်းနေထိုင်နေကြရသူများအနက် ရေဘေးသင့်ကျေးရွာ(၃)ရွာမှ ရေဘေးသင့်သူ (၃၀၀)ဦးခန့်သည် ဥပါတသန္တိဘုရားအနီးရှိ အောင်သိဒ္ဓိဘုန်းတော်ကြီးကျောင်းသို့ ရေဘေးရှောင်များအဖြစ်ရောက်ရှိလာခဲ့ကြသည်။
အဆိုပါ ရောက်ရှိနေသည့် ရေဘေးသင့်သူများမ ရေဘေးရှောင်များသည် စားဝတ်နေရေးအခက် အခဲဖြစ်ပေါ်နေသဖြင့် “ဆုလာဘ်ပိုင်”မိသားစုမှ ကိုအောင်ဘိုဘိုနှင့်ဝန်ထမ်းများကသွားရောက်တွေ့ဆုံကာ လိုအပ်သည့်ကူညီမှုများကိုပြုလုပ်ပေးခဲ့ကြသည်။
“ဆုလာဘ်ပိုင်”မိသားစုမှ ရေဘေးရှောင်များအား နေ့စဥ် နံနက်စာ၊ နေ့လည်စာ၊ ညစာ၊ လိုအပ်သည့် ဆန်၊ ဆီ၊ စားစရာအပြည့်အစုံ၊ သောက်သုံးရေသန့်များကို လှူဒါန်းသွားမည်ဖြစ်ကာ ၎င်းတို့၏ ကျန်းမာရေးအတွက်လည်း ကူညီစောင့်ရှောက်ပေးသွားမည်ဖြစ်ကြောင်း သိရသည်။
