ဘန်ကောက်၊စက်တင်ဘာ ၁၂
ယာဂီမုန်တိုင်းအရှိန်ကြောင့် ထိုင်းနိုင်ငံမြောက်ပိုင်းရှိ ချင်းရိုင်ပြည်နယ်တွင် ရေကြီးရေလျှံနေပြီး လူများ ထောင် နှင့် ချီကာ သောင်တင်နေသဖြင့် ထိုင်းတော်ဝင်တပ်တော်က အထူးတပ်ဖွဲ့များဖြင့် ရေဘေးအတွက် လှေများ နှင့် ရဟတ်ယာဉ်များကို အသုံးပြုကယ်ဆယ်ရေးလုပ်နေရကြောင်းသိရသည်။
ဩဂုတ်လအလယ်မှစ၍ ထိုင်းနိုင်ငံတစ်ဝန်း မိုးနှင့်ဆက်စပ်သောသဘာဝဘေးအန္တရာယ်ကြောင့် ေ-သဆုံးသူသည် ၃၃ ဦးအထိရှိလာပြီဖြစ်ကြောင်းသိရပြီး ရေကြီးမှုနှင့်မြေပြိုမှုများကြောင့်လည်း ေ-သဆုံးသူများရှိခဲ့သည်။
ယခုနှစ်အတွင်း အာရှ၏အပြင်းထန်ဆုံးမုန်တိုင်းအဖြစ်သတ်မှတ်ခံထားရသည့် ယာဂီကြောင့် ဖိလစ်ပိုင် နှင့် ဗီယက်နမ်တို့တွင်လည်းေ-သဆုံးမှုများရှိခဲ့သည်။
ရေကြီးမှုဒဏ်ကို အပြင်းအထန်ခံခဲ့ရသည့် ထိုင်း နိုင်ငံမြောက်ဘက်စွန်းရှိ ချင်းရိုင်ခရိုင်တွင် ရေပြန်ကျနေပြီဖြစ်သော်လည်း မြစ်ကမ်းချောင်းနားနီးရာဒေသများတွင်မူ ရေများရှိနေဆဲဖြစ်သည်ဟုလည်းသိရသည်။
“အိမ်တွေထဲမှာပိတ်မိနေတဲ့ ပြည်သူတွေကို ကယ်ထုတ်နိုင်ဖို့ အင်တိုက်အားတိုက်လုပ်ဆောင်နေပါတယ် ၊ကယ်ဖို့ကျန်နေတဲ့သူတွေလည်း ရာချီရှိနေပါသေးတယ်” ဟု တာဝန်ရှိသူတစ်ဦးကပြောကြားခဲ့ပြီး ကယ်ဆယ်ရေးအတွက် ထိုင်းရေတပ်အထူးတပ်ဖွဲ့များ၏အကူအညီဖြင့် ဒေသတွင်းအာဏာပိုင်များက လှေများ နှင့်ရဟတ်ယာဉ်များဖြင့် ဆက်လက်ဆောင်ရွက်နေသည်ဟု သိရသည်။
Source : ရိုက်တာ/အီးစီ
