ပေကျင်း၊စက်တင်ဘာ ၂၄
တရုတ်သိပ္ပံပညာရှင်များသည် ကမ္ဘာမြေပေါ်ရှိ အရွက်အားလုံးနီးပါးကို အသုံးပြုကာ လျှပ်စစ်စွမ်းအင်ရနိုင်သည့်နည်းလမ်းတစ်ခုကိုချပြခဲ့ပြီး အဆိုပါနည်းလမ်းသည် စဉ်ဆက်မပြတ်စွမ်းအင်အရင်းအမြစ်အဖြစ်သို့လည်း ပြောင်းလဲပေးနိုင်သည်။
၎င်းတို့က ကြာရွက်ကိုအသုံးပြုကာ နမူနာပြထားသည့် အဆိုပါသစ်ရွက်စွမ်းအင်သုံး ဂျင်နရေတာသည် အသေးစား အီလက်ထရွန်နစ်ပစ္စည်းများကို အားဖြည့်ပေးနိုင်ပြီး အပင်စွမ်းအင်သုံး လျှပ်စစ်ဓါတ်အားကွန်ရက်များကိုပါ ဖန်တီးအသုံးပြုနိုင်သည်ဟုလည်း သုတေသနအဖွဲ့ကပြောကြားခဲ့သည်။
ယခုလေ့လာဆန်းသစ်မှုမှ လျှပ်စစ်ဖော်ထုတ်နိုင်မှုကို ထုတ်ဖော်ပြသရုံသာမက သဘာဝပတ်ဝန်းကျင်ဘေးအန္တရာယ်ကင်းစေသည့် အစိမ်းရောင်စွမ်းအင်နည်းပညာများ တိုးတက်လာခြင်းအတွက် ဆန်းသစ်သော အမြင်ကိုလည်းပေးစွမ်းနိုင်သည် ဟု အဆိုပါသိပ္ပံပညာရှင်အဖွဲ့ကဆိုသည်။
ယခုနည်းစနစ်ဖြင့် လျှပ်စစ်ဓါတ်အားထုတ်ယူခြင်းသည် မာကြောသောမျက်နှာပြင်နှင့် ရေ၏ရွေ့လျားမှုတို့အပေါ် မှီခိုနေရသည့်အရာဖြစ်သဖြင့် ရံဖန်ရံခါ ရေအားရရှိရန်လိုအပ်ကာ မြစ် သို့မဟုတ် ဆည်များကဲ့သို့သော နေရာများ၏အနီးတွင်ရှိရမည်ဟုလည်းဆိုသည်။
Source : ဆော့ထ်ချိုင်းနားမောနင်းပို့စ်
