ဗီယန်ကျင်း၊အောက်တိုဘာ ၁၀
ဗီယန်ကျင်း၌ကျင်းပခဲ့သည့် အာဆီယံထိပ်သီးအစည်းအဝေးတွင် မြန်မာနိုင်ငံအကျပ်အတည်းနှင့်ပတ်သက်၍ နှစ်ဖက်စလုံးအနေဖြင့် ထိခိုက်ဆုံးရှုံးမှုများထပ်မံမဖြစ်ပွားစေရန် ရပ်တန့်သင့်ပြီဖြစ်ကြောင်း အာဆီယံအဖွဲ့ဝင်နိုင်ငံများကဖိအားပေးခဲ့သည်။
လက်နက်ဖြင့်ဖြေရှင်းနေမှုများကို ရပ်တန့်ကာ ဆွေးနွေးညှိနှိုင်းကြစေလိုကြောင်းကို တိုက်တွန်းပြောကြားခဲ့သည်ဟုသိရသည်။
ယခုနှစ် အာဆီယံထိပ်သီးအစည်းအဝေးသို့ နစကကိုယ်စားလှယ်တစ်ဦးတက်ရောက်ခဲ့ပြီး သုံးနှစ်တာကာလအတွင်း ပထမဆုံးအကြိမ်တက်ရောက်ခြင်းလည်းဖြစ်သည်။
နှစ်ဖက်တင်းမာမှုများကြောင့် ထိခိုက်ေ-သကြေခဲ့ရသည့် အရပ်သားပြည်သူများအတွက် အာဆီယံကအထူးစိုးရိမ်ပါကြောင်းနှင့် သက်ဆိုင်သူများအနေဖြင့် ဆွေးနွေးညှိနှိုင်းအဖြေရှာချိန်တန်ပြီဟုလည်း အာဆီယံအလှည့်ကျဥက္ကဌကပြောကြားခဲ့သည်။
“ကျွန်တော်တို့အနေနဲ့ မြန်မာ့အရေးကိုဖြေရှင်းဖို့နည်းလမ်းရှာနေပါတယ်၊အာဆီယံဘုံသဘောတူညီချက်ငါးရပ်ကို ချမှတ်ခဲ့ပေမဲ့ ထင်သလောက်အောင်မြင်မှုမရရှိခဲ့ပါဘူး၊ဒါကြောင့် မဟာဗျူဟာအသစ်ရေးဆွဲဖို့ကြိုးစားနေပါတယ်” ဟု ဖိလစ်ပိုင်သမ္မတ မားကို့စ်ကပြောကြားခဲ့သည်။
သို့သော် ထိုင်းနိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ Nikorndej Balankura ကမူ မြန်မာ့အရေးနှင့်ပတ်သက်သည့် ငြိမ်းချမ်းရေးအစီအစဉ်ကို မည်သို့အကောင်အထည်ဖော်မည်ဟူသည့်အချက်ကို ထိပ်သီးဆွေးနွေးပွဲတွင် ထည့်သွင်းဆွေးနွေးမှုမျိုးမရှိကြောင်းပြောကြားခဲ့သည်။
Source : သည်ဂျကာတာပို့စ်