ယာဂီမုန်တိုင်းအရှိန်ကြောင့် မိုးများပြီး ရေကြီးရေလျှံဖြစ်ခဲ့ရသည့် ဒေသများတွင် နောက်ဆက်တွဲအနေဖြင့် ကလေ-း ၂၇၀၀၀၀ ကျော်အတွက် ကူညီစောင့်ရှောက်မှုများ လိုအပ်နေကြောင်း ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (UNOCHA) အောက်တိုဘာလ ပထမပတ်တွင် ထုတ်ပြန်အသိပေးထားသည်။
အဆိုပါ ကလေ-းများထဲတွင် မိဘအုပ်ထိန်းသူများနှင့် မိသားစုတကွဲတပြားဖြစ်ခြင်း၊ ကိုယ်၊ စိတ် ထိခိုက်ခံစားခြင်း အပါအဝင် ၎င်းတို့၏ ကျန်းမာရေးများအတွက် အရေးပေါ်အကူအညီများလိုအပ်နေကြောင်းလည်း UNOCHA က ဆိုသည်။
ထို့ပြင် ရေကြောင့်ဖြစ်သည့် ဝမ်းပျက်ဝမ်းလျှောရောဂါ၊ တုတ်ကွေး၊ ငှက်ဖျား၊ ကာလဝမ်းရောဂါများသည် ကလေ-းငယ်များအပေါ် သက်ရောက်နေပြီး ကျန်းမာရေးစောင့်ရှောက်မှု၊ရေနှင့် သန့်ရှင်းရေးဆိုင်ရာ အကူအညီများပေးရန် လိုအပ်နေကြောင်းလည်း ထုတ်ပြန်ချက်က ဖော်ပြသည်။
ထိုနည်းတူ ရေဘေးသင့်သူများသည် စိုက်ပျိုးရေးပစ္စည်းများ၊အမိုးအကာ၊ စားနပ်ရိက္ခာနှင့် ကျန်းမာရေး ဝန်ဆောင်မှုအကူအညီများ လိုအပ်နေပြီး ပြန်လည်ထူထောင်ရေး လုပ်ငန်းစဉ်များ ဆောင်ရွက်ရန် အကူအညီလိုအပ်နေဆဲဖြစ်ကာ ယင်းဒေသများ၌ ရေရှည်အခက်အခဲများနှင့် ဆက်ရင်ဆိုင်ရနိုင်ကြောင်း UNOCHA က ဆိုသည်။
နစက၏ အောက်တိုဘာလဆန်းပိုင်း ထုတ်ပြန်ချက်များအရ နိုင်ငံတစ်ဝန်း ရေကြီးမြေပြိမှုများကြောင့် ေ-သဆုံးသူ (၄၃၆) ဦး အထိရှိခဲ့ပြီး ရေစီးနှင့် မျောပါပျောက်ဆုံးသူ (၆၆) ဦး ရှိခဲ့သည်ဟု သိရသညိ။
ထို့ပြင်သီးနှံစိုက်ဧက (၈)သိန်းနီးပါး ပျက်စီးခဲ့ကာ လယ်ယာသုံး ကျွဲ၊ နွားတွေ အပါအဝင်
တိရိစ္ဆာန် (၁၇၀၀၀၀)ကျော် ေ-သဆုံးခဲ့ကြောင်းလည်း ထုတ်ပြန်အသိပေးထားသည်။
