ဘွေနိုဆိုင်းရစ်၊အောက်တိုဘာ ၁၇
ဝမ်းဒါရိုက်ရှင် အဖွဲ့မှ အဖွဲ့ဝင်အဆိုတော်ဟောင်း လီယမ်ပိန်းသည် အာဂျင်တီးနားရှိ ဟိုတယ်တစ်ခု၏ တတိယထပ် အခန်းဝရံတာမှ ပြု —တ်—ကျေ-သဆုံးနေသည်ကိုတွေ့ရှိခဲ့ရကြောင်း အာဂျင်တီးနား ရဲတပ်ဖွဲ့က အောက်တိုဘာ ၁၆ ရက်တွင်ပြောကြားခဲ့သည်။
အရက်နှင့်မူးယစ်ဆေးသုံးထားနိုင်ခြေရှိသည့် လူတစ်ဦး ဝရန်တာမှပြု—တ်—ကျကြောင်း ဟိုတယ်မန်နေဂျာက ရဲတပ်ဖွဲ့ထံအကြောင်းကြားလာသဖြင့် ရဲတပ်ဖွဲ့ဝင်များလာရောက်စစ်ဆေးသောအခါ လီယမ်ပိန်းဖြစ်နေသည်ကိုသိခဲ့ရကြောင်း ရဲတပ်ဖွဲ့ကသတင်းထုတ်ပြန်ကြေငြာခဲ့သည်။
ဟိုတယ်အတွင်းပိုင်း၌ လီယမ်၏ရုပ်အလေ-ာင်းကိုမြင်ခဲ့ရပြီးနောက် ဗြိတိန်အဆိုတော် ပိန်း၏ေ-သဆုံးမှုကို အရေးပေါ် ဝန်ထမ်းများက အတည်ပြုပြောကြားခဲ့သည်။
“သတင်းကြားကြားချင်း ကျွန်တော် ထိတ်လန့်နေမိပါတယ်။လီယမ်က အမြဲတမ်းကြင်ကြင်နာနာဆက်ဆံတတ်သူတစ်ဦးပါ” ဟု အမေရိကန်အဆိုတော် ချာလီ ပတ်သ် က အင်စတာဂရမ်၌ပြောကြားခဲ့သည်။
“သူက ကျွန်တော်နဲ့ ပထမဆုံးတွဲလုပ်ခဲ့တဲ့ အဓိက အနုပညာရှင်တွေထဲက တစ်ယောက်အပါအဝင်ပါ၊သူ ဆုံးပါးသွားပြီဆိုတာကို ကျွန်တော်မယုံနိုင်သေးပါဘူး” ဟုလည်း ၎င်းကဆက်လက်ပြောကြားခဲ့သည်။
ယူအက်စ်ဂီတချန်နယ် အမ်တီဗွီ၊ တိုက်ရိုက်လွှင့်ဝန်ဆောင်မှု Spotify SPOT.N နှင့် BRITS British ဂီတဆုပေးပွဲများအားလုံးကလည်း လူမှုကွန်ရက်၌ လီယမ်ေ-သဆုံးသဖြင့် စိတ်မကောင်းဖြစ်မိပါကြောင်း ဖော်ပြခဲ့ကြကာ ၎င်း၏မိသားစုနှင့်ချစ်ရသူများထံသို့လည်း ဝမ်းနည်းကြောင်း သဝဏ်လွှာများပေးပို့ခဲ့ကြသည်။
လီယမ်ပိန်းသည် ၂၀၁၇ ခုနှစ်က British TV personality နှင့် Girls Aloud အဆိုတော် ရှာရင်းလ်နှင့်ရရှိခဲ့သည့် ဘဲရ် ဟုခေါ်သောသားလေးတစ်ယောက်ရှိကြောင်းလည်းသိရသည်။
Source : စီအင်န်အေ
