ရုရှားနှင့်မြောက်ကိုရီးယားဝန်ကြီးများအရေးပါသောဆွေးနွေးပွဲကျင်းပ

မော်စကို၊နိုဝင်ဘာ ၃

ရုရှားနှင့်ပြုံယမ်းတို့၏ နိုင်ငံခြားရေးဝန်ကြီးများသည် သောကြာနေ့က မော်စကို၌တွေ့ဆုံကာ အရေးပါသော ညှိနှိုင်းဆွေးနွေးပွဲကိုကျင်းပခဲ့ကြောင်းသိရသည်။

ဆွေးနွေးပွဲ၌ အစဉ်အလာချစ်ကြည်ရင်းနှီးမှုကိုမြှင့်တင်ပေးမည့် အရေးပါသော ဘက်စုံမိတ်ဖက်ဆက်ဆံ‌ရေး သဘောတူစာချုပ်ကို အပြည့်အဝအကောင်အထည်ဖော်မည့် ကတိကဝတ်ကိုထပ်လောင်းအတည်ပြုခဲ့ကြောင်း ရုရှားနိုင်ငံခြားရေးဝန်ကြီးဌာနကကြေညာချက်ထုတ်ပြန်ခဲ့သည်။

ရုရှားနိုင်ငံခြားရေးဝန်ကြီးနှင့် မြောက်ကိုရီးယားနိုင်ငံခြားရေးဝန်ကြီးတို့သည် နိုင်ငံတကာပြဿနာများနှင့်ပတ်သက်၍ အမြင်ချင်းဖလှယ်ခဲ့ကြပြီး နှစ်နိုင်ငံအကြား အရေးကြီးသောဆွေးနွေး တိုင်ပင်မှုများကို ဆက်လက်ပြုလုပ်သွားရန် သဘောတူညီခဲ့ကြသည်။

ယင်းနောက် နိုင်ငံခြားရေးဌာနများအကြား အပြန်အလှန်ဆွေးနွေးမှုများကိုဆက်လက်လုပ်ဆောင်သွားရန်လည်း သဘောတူညီခဲ့ကြကြောင်းသိရသည်။

ကိုရီးယားကျွန်းဆွယ်၊အရှေ့မြောက်အာရှနှင့် ကမ္ဘာ့အခြားနေရာများတွင် တင်းမာမှုများတိုးမြင့်လာနေသည့်အဓိကအကြောင်းအရင်းမှာ အမေရိက နှင့် ၎င်း၏လက်အောက်ခံနိုင်ငံများ၏ ရန်စမှုများကြောင့်ဖြစ်ကြောင်း နှစ်ဖက်စလုံးကထုတ်ဖော်ပြောဆိုခဲ့ကြသည်။

အမေရိက နှင့်၎င်း၏မဟာမိတ်များ၏ ရန်လိုသည့်မူဝါဒကိုဟန့်တားကာ ဒေသတွင်းငြိမ်းချမ်းရေးနှင့် တည်ငြိမ်ရေးတို့ ကို ခိုင်မာစေရန် မြောက်ကိုရီးယားခေါင်းဆောင်၏ ဆောင်ရွက်မှုများအတွက် ရုရှားက အပြည့်အဝ ထောက်ခံကြောင်း ကို လည်းဖော်ပြခဲ့သည်ဟုသိရသည်။

Source : ရှင်းဟွာ