ပဲစေ့တွေ ပြန့်ကျဲနေတယ်။ တစ်စေ့ချင်း ကောက်ယူတယ်။ ရေတွက်တယ်။ တစ်စေ့၊ နှစ်စေ့၊ သုံးစေ့..။ ပဲစေ့လေးတွေက ဖြူဖြူ။ အဘိုးလက် ချောင်းတွေက ရှုံ့တွတွ။ လေးစေ့၊ ငါးစေ့၊ ခြောက်စေ့၊ ခုနစ်စေ့။ ကောက်ယူရေတွက်တဲ့ ပဲစေ့တွေကို ခွက်ထဲထည့်တယ်။ ပဲစေ့ကို တစ်ခါ ကောက်ရင် တစ်ကြိမ်ရေတွက်တယ်။ ရှစ်စေ့၊ ကိုးစေ့၊ ဆယ်စေ့။ ပြန့်ကျဲ နေတဲ့ ပဲစေ့ကလေးတွေက အဘိုးရဲ့ လက်ချောင်းထဲကနေ တစ်ဆင့် နို့ဆီခွက်ထဲ ရောက်သွားကြတယ်။ ဆက်လက်ရေတွက်ရဦးမယ်။ ဒီမှာ ပဲစေ့တွေ။ ဆယ့်တစ်စေ့၊ ဆယ့်နှစ်စေ့၊ ဆယ့်သုံးစေ့။ ပဲစေ့ ဆယ့်သုံးစေ့တိတိ ရေတွက်ပြီးပြီ။ နို့ဆီခွက်ထဲမှာ ပဲစေ့ဆယ့်သုံးစေ့ ရောက်သွားပြီ။ ပဲစေ့တွေရှိနေတုန်းပဲ။ အဘိုး ဘာလုပ်နေတာလဲ။ မြေးငယ်က မေး တယ်။ အဘိုးပဲစေ့တွေ ရေတွက်နေ တာ။ အဘိုးမအားဘူး။ ပဲစေ့ကလေး တချို့ကောက်ယူတယ်။ ကိန်းဂဏန်း တစ်ခုကို ရေရွတ်တယ်။
ပြီးတော့ နို့ဆီခွက်ထဲကို ထည့် တယ်။ ဆယ့်လေးစေ့၊ ဆယ့်ငါးစေ့၊ ဆယ့်ခြောက်စေ့၊ ဆယ့်ခုနစ်စေ့။ မေမေ..ဒီမှာ ဘိုးဘိုး ပဲစေ့တွေ ရေ တွက်နေတယ်။ မေ့- တိတ်တိတ် နေစမ်း လူကလေး။ အဘိုးဟာ နှာ ခေါင်းပေါ်လျှောကျလာတဲ့ မျက်မှန် ကို ပြန်ပင့်တင်ပြီး ပဲစေ့တွေကို ဆက် ပြီး ရေတွက်တယ်။ ဘိုးဘိုးကိုမခေါ် တော့ဘူး။ အေးပါကွာ။ သုံးဆယ့်ငါး စေ့၊ သုံးဆယ့်ခြောက်စေ့၊ သုံးဆယ့် ခုနစ်စေ့။ နေစမ်းပါဦး၊ ဒါက ပဲစေ့ ပဲလား။ အဘိုးက သေသေချာချာ ကြည့်။ ပဲစေ့လား၊ ကျောက်ခဲဖြူဖြူ လေးလား။ အဘိုးလက်ထဲမှာ ကိုင် ထားတယ်။ သြော်..ပဲစေ့လေးပဲ။ တစ်ခြမ်းပဲ့နေ တာကိုး။ ဒါကို သူက ထည့်သွင်းရေတွက်တယ်။ ပဲစေ့တွေ ဟာ သူ့နံဘေးမှာ နို့ဆီခွက်ထဲမှာ တစ်ခုချင်းရောက်သွားတယ်။
အပြင်ဘက်မှာ ဆောင်းနေခြည်က လင်းလို့။ ပဲစေ့တွေကို အဲဒီနေ့က အားလုံးကုန်အောင် ရေတွက်နိုင် ခဲ့တယ်။ စုစုပေါင်း အားလုံး ပဲစေ့ တစ်ထောင့်ခုနစ်ရာ့နှစ်ဆယ့်ငါးစေ့။ သူဟာ ကျေနပ်သွားတယ်။ ဘိုးဘိုး ဟာ ကျေနပ်သွားတယ်။
ဆောင်းနေခြည်က ပြတင်းမှန် ကိုဖြတ်ပြီး အထဲမှာ လင်းနေတယ်။ မြေးကလေးက ဘယ်မှာဆော့နေ ပါလိမ့်။ နေရောင်ခြည်ထဲမှာ လှန်း ထားတဲ့ အင်္ကျီက ရေစက်တွေ ပေါက် ခနဲ၊ ပေါက်ခနဲ ကျနေတယ်။ သူဟာ ပဲစေ့တွေထည့်ထားတဲ့ နို့ဆီဘူးကို ယူ လိုက်တယ်။ ပြီးတော့ သွန်ချလိုက် တယ်။ ငါရေတွက်တာ ဟုတ်ပါတယ်။ ကဲ.. ဒီတစ်ခါ ပြန်ရေတွက်မယ်။ ပဲစေ့တစ်စေ့၊ နှစ်စေ့၊ သုံးစေ့၊ လေး စေ့၊ ငါးစေ့..။
နေမျိုး
