ချစ်စွမ်းသာက ဇာတ်သဘင်လောကမှာ ၁၃ နှစ်ကျော် ကြိုးစားခဲ့ပြီး အခုအချိန်မှာတော့ ကိုယ်ပိုင်ဇာတ်အဖွဲ့ကို တည်ထောင်နိုင်ခဲ့ပါပြီ။ သူဟာပန်တျာ ကျောင်းဆင်းတစ်ဦးလည်းဖြစ်သလို၊ ရွှေမန်းဦးချမ်းသာရဲ့ ဇာတ်အဖွဲ့မှာလည်း မင်းသား တစ်ဦးအဖြစ်ကပြခဲ့ပါတယ်။ ကိုယ်ပိုင်ဇာတ်တည်ထောင်နိုင်ခဲ့ပြီဖြစ်တဲ့ အတွက် အရင်ထက်ပိုမိုကြိုးစားသွားမှာဖြစ်ပြီး အစ်ကိုလိုဖြစ်နေတဲ့ မြို့ရွှေမန်းသား ဖိုးချစ်ကလည်း အနုပညာနဲ့ ဖျော်ဖြေရေးပိုင်းဆိုင်ရာများ၊ မြန်မာမှုများကိုအဓိကထား တင်ဆက်ဖို့နဲ့ ဇာတ်ဖွဲ့စည်းပုံဖွဲ့စည်းနည်းတွေ၊ စည်းမျဉ်းစည်းကမ်းတွေကို သင်ကြားပေးတယ်လို့ ချစ်စွမ်းသာက ပြောပါတယ်။ သူ့ရဲ့ ဇာတ်အဖွဲ့ နာမည်က တော့ ” ရွှေမန်းသားလေးချစ်စွမ်းသာကတဲ့ ရွှေလာဘ်ငွေလာဘ်ဇာတ်သဘင်” လို့ အမည်ပေးထားပြီး ဇူလိုင်လတစ်လလုံး တီးလုံးတိုက်သွားမှာဖြစ်ကာ သြဂုတ်လမှာ တော့ မန္တလေးမှာ စတင် ကပြသွားမယ်လို့ သိရပါတယ်။ ဇာတ်အဖွဲ့ရဲ့ တင်ဆက်မှုတွေ အနေနဲ့ကတော့ အမယ်စုံအောင် တင်ဆက်သွားမှာဖြစ်ပြီး နောက်ပိုင်း ဇာတ်တော်ကြီးကို လည်း သူကိုယ်တိုင်ကပြတင်ဆက်သွားမှာဖြစ်တယ်လို့ ချစ်စွမ်းသာကပြောပါတယ်။
” ကျွန်တော်ကတော့ ယဉ်ကျေးမှုကျောင်းဆင်းဖြစ်တဲ့အတွက် ဆိုငိုပြောကတော့ စိမ်းမနေဘူး။ ပန်တျာကျောင်းကတည်းက အခြေခံကို ပါခဲ့ပြီးပြီဆိုတော့လေ။ ထပ်ပြီး လေ့လာစရာရှိတာတွေကိုတော့ ထပ်ပြီးလေ့လာရဦးမှာပါ။ ပြီးတော့ကျွန်တော်တို့ ဇာတ် သဘင်မှာက ပစ္စည်းပိုင်းဆိုင်ရာတွေက စကားပြောလာပြီဆိုတော့ LED တွ၊ အသံ ပိုင်းဆိုင်ရာတွေကလည်း ပံ့ပိုးမှုတစ်ခုဖြစ်တဲ့အတွက် အဲဒါတွေကို ကျွန်တော့်အနေနဲ့ အကောင်းဆုံး ဖြစ်အောင် ကြိုးစားထားတယ်။ အဲဒီ အပိုင်းအပြင် ပညာရှင်ပိုင်းဆိုင်ရာ ကိုလည်း ဇာတ်အဖွဲ့ကြီးတွေမှာ ပါဝင်တင်ဆက်ခဲ့တဲ့ ဇာတ်သဘင်ပညာရှင်တွေကိုလည်း ကျွန်တော့်ဇာတ်မှာ ခေါ်ထားတယ်။ ကျွန်တော့်ဇာတ်မှာ မင်းသား၊ မင်းသမီးတွေကလည်း ပန်တျာကျောင်းဆင်းတွေများပါတယ်။ ငယ်ငယ်လေးတွေများပါတယ်။ ကျွန်တော် တို့ကတော့ သူတို့ ထက်စာရင် နည်းနည်းပိုပြီး သမ္ဘာ ရှိတဲ့အတွက် သူတို့ကိုတွဲခေါ်သွား မယ်။ ဆက်တင်ပိုင်းဆိုင်ရာမှာလည်း အော်ပရာဆိုလည်း အော်ပရာနဲ့တူအောင်၊ ပြဇာတ်ဆိုရင်လည်း ပြဇာတ်နဲ့တူအောင် ဆက်တင်အခမ်းအနားတွေကို ကောင်းကောင်း မွန်မွန် လုပ်ထားတယ်” လို့ သူ့ရဲ့ ကြိုးစားထားမှု အပိုင်းကို ချစ်စွမ်းသာ ကပြောပါတယ်။ သူကမြန်မာမှု အနုပညာကို ချစ်မြတ်နိုးတဲ့အတွက် မြန်မာ့ဇာတ်သဘင်ပိုင်းကိုပဲ တောက်လျှောက်သွားမှာဖြစ်ပြီး ရုပ်ရှင်ပိုင်းကို ကူးဖို့တော့ မရှိပါဘူးလို့ ပြောပါတယ်။ အလှူအတန်းတွေကိုလည်း အမြဲမပြတ်လုပ်ဆောင်လေ့ရှိတဲ့ သူ က ကိုယ်ပိုင်ဇာတ်အဖွဲ့ တည်ထောင်ခြင်းကလည်း အလှူအတန်းတွေကိုပိုမိုလုပ်ဆောင်နိုင်ချင်လို့ ဖြစ်သလို မိဘမဲ့ကလေးငယ်တွေကို ပိုမိုထောက်ပံ့ပေးနိုင်ဖို့အတွက် ရည်ရွယ်တယ်လို့ သိရ ပါတယ်။
” ကျွန်တော့်အနေနဲ့ တစ်ကိုယ်ရေတစ်ကာယသမားဆိုရင်တော့ သူများဇာတ်အဖွဲ့ မှာလိုက်ကရင်းနဲ့ ဦးနှောက်လည်း သိပ်ရှုပ်စရာမရှိဘူးလေ။ ဒါပေမဲ့ကိုယ်ပိုင်ဇာတ် တည်ထောင်တဲ့အခါမှာ စီးပွားရေးအရ လည်းပိုပြီးတော့ အဆင်ပြေလာမယ် ထင်ပါ တယ်။ အဆင်ပြေမှလည်း ကျွန်တော့်စိတ်ကြိုက်လှူနိုင်၊ တန်းနိုင်မယ်လေ။ အဓိကတော့ ကျွန်တော့်ရည်ရွယ်ချက်က အဲဒါပါပဲ။ မိဘမဲ့ကလေးငယ်တွေကို ကူညီချင်တယ်။ ကိုယ်နဲ့ဘဝတူ လူသားတွေကို စာနာတယ်” လို့ ချစ်စွမ်းသာက ပြောပါတယ်။
လင်းအက္ခရာ
