မေခလာရဲ့ တစ်ကိုယ်တော် ဖျော်ဖြေပွဲကို ရန်ကုန်နဲ့ မန္တလေးမှာကျင်းပသွားမှာဖြစ်ပါတယ်။ ရန်ကုန်မှာတော့ စက်တင်ဘာလ ၃ဝရက်နေ့ အမျိုးသားဇာတ်ရုံမှာ ပြုလုပ်သွားမှာဖြစ်ပြီး မန္တလေးမှာတော့ အောက်တိုဘာလ ၇ရက် နေ့မှာ ပြုလုပ် မှာပါ။ ဒီတစ်ကိုယ်တော် ဖျော်ဖြေပွဲမှာ သီဆိုမယ့်သီချင်းတွေကိုလည်း အခုအချိန်မှာ ရွေးချယ်နေပြီဖြစ်ပြီး သီချင်းတွေက များလွန်းနေတဲ့အတွက် ရွေးချယ်ရခက်နေကြောင်းလည်း မေခလာက ပြောပါတယ်။
“ဒါကြောင့်အစ်မရဲ့ သူငယ်ချင်းတွေ၊ မိသားစုတွေကိုရွေးခိုင်းမယ်။သူတို့ရဲ့နားမှာ ဘယ်သီချင်းကိုပိုကြိုက်လဲပေါ့။ ဘာကြောင့်လဲဆိုတော့ သီချင်းတွေက များလို့လေ။ ဒါကြောင့်ဒီပွဲကို အစ်မအနေနဲ့ အား သွန်ခွန် စိုက်ကြိုးစားထားသလို ပရိသတ်ရဲ့ စေတနာကိုလည်း အလေးထားပါတယ်။ ပရိသတ်တွေက ဒီနေ့အထိ အစ်မကို အားပေးနေတယ်လို့ယုံကြည်တယ်။ ဒါကြောင့် ဒီပွဲကအောင်မြင်မယ့်ပွဲ၊ပျော်စရာကောင်းမယ့်ပွဲလို့အစ်မအနေနဲ့ယုံကြည်ထားပါတယ်” လို့ ပွဲနဲ့ ပတ်သက်ပြီး မေခလာက ပြောပါတယ်။ ဒီပွဲကိုတော့ စီစဉ်ထားတာ ၃လ၊ ၄လလောက်ရှိပြီ လည်းဖြစ်ပါတယ်။ မေခလာက တစ်ဦးတည်း အနေနဲ့ သီချင်းအပုဒ် ရေ ၃ဝနီးပါး လောက်ဖျော်ဖြေသွားမှာဖြစ်သလို အမျိုး သားအဆိုတော်၎ ယောက်နဲ့လည်း စုံတွဲသီချင်းတွေဖျော်ဖြေဦး မှာဖြစ်ပါ တယ်။ ဒီ ၄ ယောက်ကတော့ အောင်ထက်၊ စောလားထော် ဝါး၊ သားငယ်တို့ပဲဖြစ်ပြီး နောက်ထပ်တစ်ယောက်ကိုတော့လျှို့ ဝှက်ထားဦးမယ်လို့ မေခလာက ပြောပါတယ်။
“အစ်မအနေနဲ့ ဒီလိုပွဲမျိုးကို တစ်နှစ်ကို ၃ပွဲ၊၄ပွဲ လည်း မလုပ်ပါဘူး။ တစ်နှစ်ကို တစ်ပွဲလည်းလုပ်ချင်မှလုပ်မယ်။ ၃နှစ်မှတစ်ကြိမ်လုပ်ချင်မှလုပ်တယ်။ အဲဒီတော့ ပရိသတ်တွေ အတွက် ထူးခြားတာလေးတွေ ပါသလို ရယ်စရာ၊ ပျော်စရာလေးတွေ လည်း ပါပါတယ်။ စုံတွဲသီချင်းလေးတွေပါသလို အစ်မအနေနဲ့ Perform လေးတွေ လုပ်ထားတာတွေလည်း အများကြီးပါ။ အစ်မပွဲကို ကြည့်ခြင်းအားဖြင့် ပရိသတ်တွေပျော်သွား ရမယ်။ စိတ်ကျေနပ် သွားရမယ်။ ခွန်အားဖြစ်စေမယ်။အသိလေး တွေလည်း ရသွားနိုင်ပါတယ်။ ဘာကြောင့် လဲဆို တော့ အစ်မတို့ လူ့လောက ကြီးက တအားကိုပင်ပန်းပါတယ်။ တစ်နေ့တစ်နေ့ စားဝတ်နေ ရေးရုန်းကန်ရတာနဲ့ အလုပ်တွေလုပ် ရတာနဲ့ တအားဖိအား တွေများတယ်။ ဒါကြောင့်အစ်မပွဲကို လာသောအားဖြင့် အားလုံး ပျော်သွားစေရမယ်။ ပရိသတ်တွေ အားလုံးကို ဖိတ်ခေါ်ပါတယ်”လို့ မေခလာကပြောပါတယ်။
လင်းအက္ခရာ
