မောင်ကြေးမုံရဲ့ တေးသီချင်းတွေနဲ့ နာမည်ရလာတဲ့သူကတော့ အဆိုတော် မို့မို့ကျော်လွင်ပဲ ဖြစ်ပါတယ်။ သူက ၂ဝဝ၉ ခုနှစ်မှာ ဂီတစာဆို မောင်ကြေးမုံရေးစပ်တဲ့ တေး သီချင်းများနဲ့ ‘နော်ကိုကိုနော်’တေးစီးရီးကလည်း အောင်မြင်ခဲ့ပါတယ်။ ဒီတေးစီးရီးကို သီဆိုခဲ့သူ မြန်မာသံ တေးသံရှင်မို့မို့ကျော်လွင်က …..
“အခုလိုမျိုး ဘဘမောင်ကြေးမုံရဲ့ သီချင်း တွေနဲ့ နာမည်ရလာခဲ့တဲ့အတွက် ကြောင့်မို့လည်း ဘဘကို ရင်ထဲအသည်း ထဲက လှိုက်လှိုက်လှဲလှဲနဲ့ ကျေးဇူးတင် ပါတယ်။ အခုအချိန်အထိသာ ဘဘ ရှိ နေဦးမယ်ဆိုလို့ရှိရင် ဘဘက မို့မို့အတွက် ဆိုပြီးတော့ သီးသန့်ရေးပေးတဲ့ သီချင်း လေးတွေပေါ့နော်၊ အများကြီး ရှိနေ လောက်ပြီ ဆိုပြီးတော့လည်း ဘဘကို တကယ်လွမ်းဆွတ်ပြီး တမ်းတမိတယ်။ ကိုယ့်နေရာလေး တစ်နေရာရတဲ့ အချိန်မှာ ဘဘ ရှိနေရင် သိပ်ကောင်းမှာပဲဆိုတဲ့ လွမ်းဆွတ်မှုပေါ့။ အခုတော့ မို့မို့က ဘဘဆုံးပြီးမှ အနုပညာလောကထဲကို ရောက်လာခဲ့တာပေါ့နော်။ ဘဘရှိတဲ့ အချိန်ဆို ပိုကောင်းမှာပဲလို့ တွေးမိတယ်”လို့လည်း မို့မို့ကျော်လွင်က ဂီတစာဆို မောင်ကြေးမုံ အလွမ်းပြေစကားကို ပြော ခဲ့ပါတယ်။
သူမနေနဲ့ ဦးကြေးမုံရဲ့ သီချင်းတွေ သီဆိုခဲ့ရ တဲ့အခါ ဖြစ်ပေါ်ရတဲ့ ခံစားချက်ကို မေးကြည့်တဲ့ အခါမှာတော့…
” ဘဘသီချင်းတွေက တစ်ပုဒ်နဲ့ တစ်ပုဒ် မတူတဲ့အရသာတွေ ပေးတယ်။ ဥပမာ- ‘ပုစွန်ဆိတ်လေး ဘယ်လိုငယ်’လို သီချင်းမျိုးဆိုရင် ပုံစံလေးက တစ်မျိုး၊ ‘လင်္ကာဒီပရှင် သူလိုလူ’ ဆိုလို့ရှိရင်လည်း ဒါတကယ်ကို ပုံစံတစ်မျိုးနဲ့ အလွမ်းသီချင်း။ အဒီလို ရသအစုံပေးစွမ်းတဲ့ အဲဒီလို ရသ စုံပေးစွမ်းတဲ့အတွက် ဘဘ သီချင်းတွေ ဆိုရတာ စိတ်ထဲမှာ အရမ်းကျေနပ် ဂုဏ်ယူပါတယ်” လို့ သူ့ရဲ့ ရင်တွင်း ပီတိခံစားမှုကို ပြောပြပါတယ်။
နောက်ထပ်လည်း သူမရဲ့ တေးစီးရီးတွေတိုင်းမှာ ဂီတ စာဆိုမောင်ကြေးမုံရဲ့ သီချင်း တွေက ပါနေမြဲရှိနေမယ်လို့ လည်း ဆိုပါတယ်။ ၂ဝ၁၆ နိုဝင်ဘာလက သူ့ရဲ့ ” ကျေး ဇူးရှင် ချစ်ဖေဖေနဲ့ ဂန္တဝင် မေမေ” တေးစီးရီး ထွက်ရှိခဲ့ သလို နောက်ထပ်လည်း တေး စီးရီးတွေကို အကောင်းဆုံး စိတ်ကြိုက် ပြင်ဆင်နေကြောင်း သိရပါတယ်။ မို့မို့ကျော်လွင်က သူ့ ရဲ့ချစ် ပရိသတ်ရဲ့ အားပေးမှုကို ကျေးဇူးတင်ကြောင်းလည်း ပြော ကြားခဲ့ပြီး ဘယ်လိုအခက်အခဲ တွေရှိရှိ ပရိသတ်အတွက် အကောင်း ဆုံး တေးစီးရီးသစ်တွေ ထုတ် လုပ်ပြီး အနုပညာအလုပ်တွေ လုပ်ကိုင်သွားပါမယ်လို့လည်း အသိပေးစကားနဲ့ ကျေးဇူးတင် စကားဆိုခဲ့ပါတယ်။
မျိုးကျော်(ကနောင်သွေး)
