သရုပ်ဆောင်အကယ်ဒမီပန်းဖြူက ဇာတ်ကား ရိုက်ကူးမှုတွေနဲ့ ဝေးကွာခဲ့တာအချိန်ကာလ ခြောက်နှစ် ကျော်ရှိပါပြီ။ ဇာတ်ကား မရိုက်ဖြစ်ချိန်မှာလည်း ခင်ပွန်းနဲ့ အတူကားပစ္စည်းတွေ ဖြန့်ဖြူးတဲ့လုပ်ငန်းကို လုပ်ကိုင်ဖြစ် တယ်လို့ သိရပါတယ်။ အခုတော့ ဒါရိုက်တာ ကိုဇော် (အာရုဏ်ဦး) ရိုက်ကူးတဲ့ ” ဂယက်တွေပါဟယ်” ဇာတ် ကားမှာပြန်လည်ပါဝင်သရုပ်ဆောင်ရိုက်ကူးမယ်လို့ဆိုတဲ့ ပန်းဖြူကအချိန်ကြာစွာ သရုပ်ဆောင်အလုပ်ကို ရပ်နား ထားတဲ့ အတွက် စိုးရိမ်စိတ်ရှိကြောင်းကို…
“အစ်မ စိုးရိမ်စိတ်တော့ရှိတယ်။ အချိန်ကာလအတော် ကြာမှပြန်ပြီး သရုပ်ဆောင်ရတော့သူများအပေါ်မှာ လည်း အနှောင့်အယှက် ဖြစ်မှာစိုးတာပါ။ ကိုယ်နဲ့တွဲဖက်ရိုက်ကူးတဲ့ သရုပ်ဆောင်တွေနဲ့ ကိုယ်က ဒိုင်ယာလော့ခ် မေ့တာပဲ ဖြစ်ဖြစ်၊ အိုက်တင် အဆင်မပြေတာဘဲ ဖြစ်ဖြစ်အခါခါ ပြန်ရိုက်ရမယ်ဆိုရင်တစ်ဖက်က သရုပ်ဆောင် တွေ၊ စက်အဖွဲ့တွေကို အားနာတယ်။ ဒါကြောင့် စိုးရိမ်တာပါ။ ဒါပေမဲ့ အတတ်နိုင်ဆုံးတော့ ကြိုးစားမယ်။ ဒီဇာတ်ကား လေး ရိုက်ဖို့တုန်းကလည်း စမိုင်းကကမ်းလှမ်းလို့ပါ။ အစ်မ အနေနဲ့လည်း လက်ရှိအစ်မရဲ့ခန္ဓာကိုယ်နဲ့လည်း အဆင် ပြေတယ်။ ဇာတ်လမ်းကလည်း အစ်မနဲ့ အံဝင်ခွင်ကျ ဖြစ်နိုင်တယ် ဆိုတာနဲ့လက်ခံဖြစ်ခဲ့တာပါ။
အစ်မကာရိုက် တာက လည်း အရင်က ပိန်တယ်။ နောက်ပိုင်းဝလာတဲ့ အခါမှာ ပတ်ဝန်းကျင်မှ လူတွေကဒီဝတဲ့အပေါ်မှာ ပြော ကြတာတွေကို ခံစားချက်ဖြစ်တဲ့ပုံစံလေးပါပဲ။ ဇာတ်ကား မရိုက် တာကြာပြီး အခုမှ ပြန်ရိုက်တာဆိုတော့ အားလုံးကို မှားတာလေးတွေရှိရင် ခွင့်လွှတ်ဖို့ခွင့်တောင်းရမှာပါ” လို့ ပန်းဖြူက ပြောပြပါတယ်။ ပန်းဖြူက အရင်က ခန္ဓာကိုယ်လို မဟုတ်ဘဲ ဝလာတဲ့ အတွက် အား ငယ်စိတ်တွေ ဝင်ခဲ့ဖူးတယ်လို့ ဆိုပါ တယ်။ ဝလာတဲ့ အပေါ်မှာလည်း ဝေဖန်မှုမျိုးစုံ ကြုံတွေ့ ခဲ့ပေမယ့် အခုတော့ တော်တော်လေး ခံနိုင်ရည် ရှိနေပါပြီဆိုတဲ့ ပန်းဖြူက
” အစ်မက လူကြီးကသာဝနေတာပါ။ အရင် ကတည်းက သွေးအား နည်း ရောဂါရှိတယ်။ အပင်ပန်း မခံနိုင်ဘူး။ အားနည်းတယ်။ အဆီထုတ် တာတွေ လုပ်ဖို့ ကလည်း ကိုယ့်ကျန်းမာရေး အခြေအနေနဲ့ လုံးဝမဖြစ် နိုင်ဘူး။ ဒါကြောင့် လေ့ကျင့်ခန်း လည်း လုပ်ဖြစ်ပေမယ့် သိပ်ဝိတ်မကျတဲ့အတွက် ဆက်မလုပ်ဖြစ်တာ ပါ။ အစ်မ အပြင်သွားတိုင်းလည်း Body Shaming လုပ်တာတွေ ခံရပါတယ်။ အကြိမ်ကြိမ်ပါပဲ။ ဥပမာ- ဝလွန်းလို့ မှတ်တောင်မမှတ်မိဘူး။ ဒီလိုမျိုး တွေ ကြားတော့ စိတ်ကတော့ တစ်မျိုးဖြစ်မိတယ်။
ဒါပေမဲ့ ဒီလိုပြောတာကိုအပြစ်မမြင်ပါဘူး။ ကိုယ် တွေလည်း တစ်ခါတလေ ပြောမိကြတယ်။ အစ်မ ဆိုရင် အရင်က အားငယ်စိတ် ဖြစ်တယ်။ ငါအရင် ပိန်ခဲ့တယ်။ ငါအရင်က အဆီမရှိဘူး။ ဒီလို အားငယ် နေတဲ့အပေါ်မှာ စကားတွေ ကြားရတော့ပိုပြီး စိတ် ဓာတ်ကျရဖူးတယ်။ ဒါပေမဲ့ နှစ်တွေကြာလာတော့ လည်း တော်တော်လေး ခံနိုင်ရည်ရှိလာပါပြီ”လို့ ပြောပါ တယ်။ လက်ရှိမှာ ပန်းဖြူက မိသားစုနဲ့အတူ မြန်မာနိုင်ငံမှာ ပြန်လည် အခြေချ နေထိုင်လျက်ရှိပြီး စီးပွားရေးကိုလည်း မြန်မာနိုင်ငံမှာပဲ လုပ် ကိုင်လျက် ရှိတယ်လို့ သိရပါတယ်။
မြတ်မိုးပွင့်
ဓာတ်ပုံ-မင်းမင်းထွန်း
