မြန်မာနိုင်ငံ သဘင်ပညာရှင်များ အစည်းအရုံး (ဗဟို) မှ ရုပ်သေးပညာရပ်ဆိုင်ရာ ထိန်းသိမ်းမြှင့်တင်ရေး ကော်မတီကို ဖွဲ့စည်းလိုက်ပြီ ဖြစ်ကြောင်းသိရပါတယ်။”ဆရာမကြီး ဒေါ်မမနိုင်တို့က ရုပ်သေးအသင်းအနေနဲ့က ဖွဲ့စည်းထားပြီးသားပါ။ သဘင်အစည်းအရုံးကနေ သူတို့ကို ပြန်လှည့်မကြည့်ဘူး ထင်လို့သူတို့ ဘာသာသူတို့ စိတ်ပူ ပြီးတော့ လုပ်ထားတာလို့ ဆရာမကြီးက ပြောပါတယ်။ ဒါကြောင့် အစ်မတို့အနေနဲ့ သူတို့ ပထမက ဖွဲ့စည်းပြီးသား ဖွဲ့စည်း ပုံအတိုင်းကို ပြန်ယူလိုက်တယ်။ ယူလိုက်ပြီးတော့မှ အင် အားထပ်ဖြည့်တာပေါ့နော်။
အင်အားထပ်ဖြည့်ပြီးတော့မှ ရုပ်သေးကော်မတီကို ဖွဲ့စည်းတာ ပါ” လို့ ရုပ်သေးပညာရပ်ဆိုင်ရာ ထိန်းသိမ်းမြှင့်တင်ရေး ကော်မတီဖွဲ့စည်းမှုအကြောင်းကို မြန်မာနိုင်ငံ သဘင်ပညာရှင်များ အစည်း အရုံး (ဗဟို)မှ ပြန်ကြားရေးမှူး ပတ္တမြားကေခိုင်က ပြောပါတယ်။ ရုပ်သေးပညာရပ်များ ထိန်းသိမ်းမြှင့်တင်ရေး ကော်မတီများကတော့ ဒေါ်မမနိုင်- ဥက္ကဋ္ဌ၊ ဦးခင်မောင်တင် – ဒုဥက္ကဋ္ဌ(၁)၊ ဒေါ်ဝင်းဝင်းမြင့် – ဒု ဥက္ကဋ္ဌ(၂)၊ ဦးစိုးမြတ်သူ- အတွင်းရေးမှူး၊ ဒေါ်အေးအေးမော် – တွဲဖက် အတွင်းရေးမှူး(၁)၊ ဦးစိန်အေးမြင့် – တွဲဖက်အတွင်းရေးမှူး-၂၊ ဒေါ်မေခင် မောင်တင့်- တွဲဖက်အ တွင်းရေးမှူး(၃)၊ ဒေါ်သဇင်မြင့်- ဘဏ္ဍာရေးမှူး၊ ဦး အောင်ပန်းဝေ – စာရင်းစစ်-၁၊ ဦးသိန်းလွင် – စာရင်း စစ်-၂၊ ဦးကျော်စိုး – ပြန်ကြားရေးတို့က ဆောင်ရွက်သွားကြမှာဖြစ်ပါတယ်။ သဘင်ပညာရှင်များ အစည်းအရုံး(ဗဟို) အနေနဲ့ သဘင်ညီလာခံကို နိုဝင်ဘာလထဲမှာ ကျင်းပ ပြုလုပ်သွားမှာဖြစ်ပြီး ဒီညီလာခံပြီးဆုံးတာနဲ့ သဘင်အစည်းအရုံး (ဗဟို) အမှု ဆောင်အဖွဲ့ ရွေးချယ်ပွဲကိုပါ ကျင်းပပြုလုပ်သွားမှာ ဖြစ်ကြောင်း လည်း သိရပါတယ်။
သဘင်သက်ကြီးပူဇော်ပွဲကိုတော့ (ဗဟို) သဘင်အနေနဲ့ ဦးစီးပြီး လုပ်ဆောင်သွားဖို့ လောလောဆယ်မှာ မစီစဉ်ရသေးကြောင်းလည်း သိရပါတယ်။ ဒါ့အပြင်ဇာတ်၊ ဆိုင်းနှင့် အခြား သဘင်အဖွဲ့များ၏ ကြေငြာဗီနိုင်းများ၊ ပိုစတာများတွင် မြန်မာ့ယဉ်ကျေးမှုနှင့် မလျော်ကန်သော လွန်ကဲစွာ သရုပ်ပျက်သည့် ဓာတ်ပုံများ ထည့် သွင်းသုံးစွဲခြင်း မပြုပါရန် သဘင်အစည်းအရုံး (ဗဟို) မှ သတိပေး ကြေငြာထားပြီး သုံးစွဲသည်ကို တွေ့ရှိရပါက သက်ဆိုင်ရာ ရပ်ကျေး၊ မြို့နယ်၊ တိုင်းဒေသကြီး၊ ပြည်နယ် သဘင်အစည်းအရုံးများသို့ လည်းကောင်း၊ ဗဟိုသဘင် ဖေ့စ်ဘုတ်စာမျက်နှာသို့ အချက်အလက်များ ပို့ပေးခြင်းဖြင့် လည်းကောင်း၊ ကူညီအကြောင်း ကြားပေးပါရန်နှင့် သဘင့်စည်းမျဉ်းစည်းကမ်းများနှင့်အညီ အရေးယူ ဆောင်ရွက်သွားမည်ဖြစ်ကြောင်း (ဗဟို) သဘင်မှ သတိပေး ထုတ်ပြန်အပ်ပါသည်။
လင်းအက္ခရာ