ဇော်ဝင်းထွဋ်ရဲ့ The Journey လို့ အမည်ပေးထားတဲ့ တစ်ကိုယ်တော် အခွေကို ဒီဇင် ဘာ ၁ ရက်နေ့ကဖြန့်ချိခဲ့ပါတယ်။ ဒီအခွေကသူ့ရဲ့သီချင်းများစွာထဲက တေးရေးမင်းချစ်သူရေးသားပေးထားတဲ့ သီချင်းအပုဒ်၂ဝ ကို ပြန်လည်ထုတ်နှုတ်ရွေးချယ်ပြီး အခွေထုတ်ခြင်းဖြစ် တယ်လို့ သိရပါတယ်။ ဒီအခွေနဲ့ ပတ်သက်ပြီး ဇော်ဝင်းထွဋ် က…
“Arrangement ပြန်ပြောင်းလို့ ကောင်းမယ့် သီချင်းမျိုးလေးတွေပေါ့။ အရင်တုန်းက တီးခတ်ထားတာ မပီပြင်ဘူးထင်ပြီး ပြန်တီးခတ်လိုက်ရင်တော့ ပိုမြောက်သွားမယ့် သီချင်းမျိုး လေးတွေ ဦးစားပေးပြီးရွေးထည့်ထားတယ်။ ကျွန်တော်က သေသေသပ်သပ်ဖြစ်အောင်ပဲ လုပ်တယ်။ ဒီသီချင်းကို တစ်အားကောင်းအောင်ဆိုပြီးတေ့ာ မလုပ်ဘဲနဲ့ ဆိုတာကလည်း Recording မှာ သီဆိုတာမျိုး မဟုတ်ဘဲနဲ့ စတိတ်ရှိုးမှာ ဆိုသလိုမျိုး လုပ်ထားတာဆိုတော့ မုဒ်က ရှိုးမုဒ်ပုံစံမျိုး ပေါက်မှာပေါ့လေ။ အဲဒီလိုမျိုးတော့ လုပ်ထားတယ်”လို့ ပြောပြပါတယ်။
ဒီအခွေမှာပါဝင်မယ့် သီချင်းအပုဒ်၂ဝ လုံးက သူ့အတွက်အမှတ်တရတွေ ဖြစ်ခဲ့သလိုပဲ တစ်ပုဒ်ချင်းစီက နှစ်တစ်နှစ်ကို ကိုယ်စားပြုတယ်လို့လည်း ပြောလို့ရတယ်လို့ သူကဆို ပြန်ပါတယ်။ “နှစ်၂ဝ လုံး ဒီဂီတကိုပဲ ကျွန် တော်တို့ အချိန်ပေးခဲ့တယ်။ အခုက နည်းနည်းလေးကိုယ်က နားတဲ့အချိန်မှာ ပြန်လှည့်ကြည့်လိုက်တော့ အော် .. ငါတို့တွေ အပူအပင်မရှိဘဲ ဘဝ ကို ဖြတ်သန်းခဲ့ပါလား ဆိုတဲ့စိတ်လေးလည်း ဖြစ်တာပေါ့လေ။
ဒါကြောင့်လည်း The Journey လို့ပေးလိုက်တာလေ။ သီချင်းတွေက ၅ ခွေ ပေါင်းထားတဲ့ သီချင်းတွေလေ။ အစောဆုံး သီချင်းဆိုရင် အနှစ်၂ဝ လောက်ရှိပြီလေ။ နောက်ထပ်လည်း ထပ်လာဦးမှာပါ။ အမှန် ကတော့ အပုဒ် ၄ဝ ထုတ်ချင်တာပါ။ ဒါပေမဲ့ တစ်ခါတလေကျရင်လည်း ကိုယ် စိတ်ကူး ထားတိုင်းလည်း မဖြစ်လာတာမျိုးတွေလည်းရှိတော့ သူတို့ကို အပုဒ်၂ဝ လေးနဲ့ပဲ နှစ်သိမ့် လိုက်တဲ့သဘောပေါ့”လို့ ဒီအခွေနဲ့ပတ်သက်လို့ဇော်ဝင်းထွဋ်က ပြောပြပါတယ်။ အခွေထွက် ရှိခြင်း အမှတ်တရ အနေနဲ့လည်း ပရိသတ်တွေအတွက် ဖျော်ဖြေပွဲကြီး တစ်ပွဲပြုလုပ်ပေးဖို့ရှိပြီး သီချင်းအပုဒ်ရေအများကြီးသီဆိုဖို့ စဉ်းစားထားတယ်လို့ ပြောပြပါတယ်။
“ဒီအခွေထဲက သီချင်းတွေနဲ့ ပွဲလေးတစ်ပွဲလောက် လုပ်မယ်ပေါ့လေ။ မကြာခင်မှာပေါ့။ အောက်ကပဲ နားထောင်နိုင်မလား။ အပေါ်ကပဲ ဆိုနိုင်မလားကြည့်တာပေါ့”လို့ အခွေ ထွက်ရှိခြင်း အမှတ်တရအနေနဲ့ ဖျော်ဖြေပွဲကြီး တစ်ပွဲလုပ်ဖို့ စီစဉ်နေမှုနဲ့ ပတ်သက်လို့ ဇော်ဝင်းထွဋ်က ပြောပြပါတယ်။
လင်းအက္ခရာ
