မော်ဒယ်သရုပ်ဆောင် ဥက္ကာမင်းမောင် လွန်ခဲ့တဲ့ရက်အနည်းငယ်က ကမ်းခြေတစ်ခုမှာ ရေကူးဝတ်စုံနဲ့ ဓာတ်ပုံ ရိုက်ကူးရေးတစ်ခုပြုလုပ်ခဲ့ပါတယ်။ ဒီဓာတ်ပုံတွေ အွန်လိုင်းပေါ်တက်လာခဲ့တဲ့အခါ ဝေဖန်ပြောဆိုမှုများကို ခံခဲ့ရပါ တယ်။ ဒီကိစ္စနဲ့ပတ်သက်ပြီး ဥက္ကာမင်းမောင်က…..
“ဒါက မဂ္ဂဇင်းတစ်ခုက ရေကူးဝတ်စုံနဲ့သူတို့ရဲ့ ကဏ္ဍတစ်ခုကို ရိုက်ရမယ်၊ ရိုက်မလားဆိုတော့ ရိုက်မယ်ဆိုပြီး ရိုက်လိုက်တယ်။ အဲဒီပုံတွေက ပရော်ဖက်ရှင်နယ်ပုံတွေမဟုတ်ဘူး။ ဖုန်းနဲ့ရိုက် ထားတဲ့ပုံ။ ပရော်ဖက်ရှင်နယ်ပုံတွေက မထွက်သေးဘူး။ ဒါပေမဲ့ ပုံတွေက မထွက်သေးဘူး။ ပွပြီး အဆဲခံရတာတွေ၊ အပြောခံရတာတွေရော အစုံပဲ။ ကမ်းခြေမှာ ရေကူးဝတ်စုံနဲ့ ရိုက်တာပဲ ဘာထူးဆန်းလို့လဲ ဘာလို့ဆဲကြတာလဲ စဉ်းစားလို့မရဘူး။ ဘာတွေပြောကြမှန်းလဲ မသိဘူး။ ဒါပေမဲ့လေ ကျွန်တော် ပြောတဲ့သူတွေကိုလည်း အပြစ် ပြောပါဘူး။ ပြောပိုင်ခွင့်ရှိတယ်။ ကြည့်ပိုင်ခွင့်ရှိတယ်။ သူတို့ဘယ် လောက် ပြောချင်လည်းပြော။ ကိုယ်လုပ်စရာရှိတာကို ဆက်လုပ်ဖို့ပဲ အရေးကြီးတယ်။ ဘာဖြစ်လို့လဲဆိုတော့ ဒီလိုကမ်းခြေမှာ ဒီလိုရေကူးဝတ်စုံ နဲ့ ရိုက်လာတယ်ဆိုတာ ကျွန်တော်တို့ မမွေးခင်ကတည်းကလေ။ မြန်မာနိုင်ငံ မှာလည်း ကမ်းခြေသွားတယ်ဆို ဘယ်သူကမှ ယောက်ျားတွေဆို တိုက်ပုံ နဲ့ ခေါင်းပေါင်းနဲ့လည်ကတုံးနဲ့ မသွားဘူး။
မိန်းမတွေဆိုလည်း ဒီလိုပဲ ဘယ်သူကမှ ရင်ဖုံးနဲ့လုံချည်ဝတ်ပြီး မသွားဘူး။ ကမ်း ခြေသွားမှတော့ ဒီဝတ်စုံဝတ်သွားတာ ဘာများထူးဆန်းလို့ ပြောနေကြတာလဲတော့ မပြောတတ်ပါဘူး။ ဆဲတာတော့ တော်တော်အဆဲခံလိုက်ရတယ်။ ကျွန်တော်ကလည်း အဆဲခံရမယ့် ကံဇာတာပါ လာတာများလားမသိဘူး” လို့ ပြောပါတယ်။ သူ့အနေနဲ့ နောက်ထပ်လည်း ဒီလို ရိုက်ကူးသွားဦးမှာဖြစ်ပြီး အခုလက်ရှိ ရိုက် ကူးနေတဲ့ ဇာတ်ကားရဲ့ ကာရိုက်တာကိုလည်း ပြောဆိုကြဦးမှာပါလို့ ဥက္ကာမင်းမောင်က ဆိုပါ တယ်။ ” နောက်ထပ်ရိုက်ကူးမယ့်ဇာတ်ကားတွေက ဒီထက်တောင် အပြောခံရဦးမယ်။ အခုရိုက်ကူး နေတဲ့ ‘ မြွေ’ ဇာတ်ကားမှာလည်းအပြောခံရဦး မယ်။ ယောက်ျားပိုင်းလုံးလေ။ ပြီးတော့ နည်းနည်း ကြမ်းတာတွေပါမယ်။ မြန်မာကလေးတွေ ကြည့်ရှုကြတာ ဆိုတော့ နည်းနည်းတော့ ကျွန်တော် ပြင်ဆင်မှုကို ချိန်ရ မယ်ပေါ့လေ။ ဒါပေမဲ့ အနုပညာအလုပ်က ဒီလိုပါပဲ၊ အပြောခံအဆိုခံတော့ မလွတ်ကင်းပါဘူး။ အပြောခံရတာ များတော့လည်း ထုံနေပါပြီ” လို့ ဥက္ကာမင်းမောင်က ပြောပါ တယ်။
ဇင်မာနွယ်
ဓာတ်ပုံ-မင်းမင်းထွန်း
