မြို့ရွှေမန်းသား ဖိုးချစ်ရဲ့တူဖြစ်တဲ့ သဘင်မင်းသားဟွန်းနောင်နောင်က သင်္ကြန်မှာတော့ ရဟန်းခံဖြစ်ခဲ့ပါတယ်။ သူ့အနေနဲ့ ဒီလိုရဟန်းခံဖြစ်ခြင်း ကလည်း မိဘတွေအတွက် ရည်ရွယ်တယ်လို့ သူကပြောပါတယ်။
“အခု ကျွန်တော့်အသက်က ၂ဝ ကျော်နေပြီဆိုတော့ ရဟန်းပြု သင်္ကန်း ဝတ်လို့ရပြီဆိုတဲ့အသိလေးကြောင့် အခုလို သင်္ကြန်နေ့ထူးနေ့မြတ်လေးမှာ ဦးလေးဖိုးချစ်ဆီက ခွင့်တောင်းပြီး ရဟန်းပြုသင်္ကန်းဝတ်ဖြစ်တာပါ။ ညီလေး က ဇာတ်မင်းသားလေးဖိုးချစ်တူဆိုတော့ ဦးလေးနဲ့အတူ တစ်နှစ်ပတ်လုံး မြန်မာပြည်အနှံ့ဘုရားပွဲတွေအစုံ ဦးလေးနဲ့အတူ ဇာတ်ပွဲတွေလိုက်ကရတာပေါ့ လေ။ ဒီနှစ်ရဲ့ နှစ်သစ်လေးမှာတော့ ကုသိုလ်ကောင်းမှုပြုချင်တဲ့ စိတ်လေး ပြင်းပြတာနဲ့ အခုလို နေ့ထူးနေ့မြတ်အခါသမယမှာ ရဟန်းခံဖြစ်တာပါ။ မိဘ တွေကိုလည်း လုပ်အားနဲ့ကျေးဇူးဆပ်သလို သီလ၊ သမာဓိ၊ ဘာဝနာအားလေး ပြုပြီး မိဘတွေရဲ့ကျေးဇူးကို ဆပ်ချင်တာလည်းပါပါတယ်။ သာသနာ့ဘောင် ဝင်ရင် မိဘတွေအပယ်တံခါးပိတ်တယ်ဆိုတာကြောင့်ပါ။ ပြီးတော့ အခုရဟန်း ဒယကာဦးဇော်ထူးအောင် x ရဟန်း ဒါယိကာမ ဒေါ်သင်းသက်နွယ်တို့ကိုလည်း အပယ်တံခါးပိတ်ပြီး ဒါနကုသိုလ်ရ စေချင်လို့ပါ”လို့ ရဟန်းခံဖြစ်ခြင်း အ ကြောင်းကို မင်းသားဟွန်းနောင်နောင်က ပြောပါတယ်။ ဒါ့အပြင် သူက ဇာတ်ခုံပေါ်မှာကပြရင်း မိသားစုများနဲ့ ပရိသတ်တွေက မေတ္တာနဲ့ဆုချတဲ့ ဆုချငွေ တွေကို မေလ ၁၄ ရက်နေ့ ကျရောက်မယ့်မွေးနေ့မှာ ဆင်းရဲချို့တဲ့တဲ့ မိဘမဲ့ ကလေးကျောင်းမှာ ည၊ မနက် အာဟာရဒါန ထမင်းကျွေးကုသိုလ်ပြုမယ်လို့ သိရပါတယ်။
“ကျွန်တော် မွေးနေ့ ကုသိုလ်ဆိုပေမယ့် မြို့ ရွေမန်းသားဖိုးချစ်အဖွဲ့ ကို အားပေးနေကြတဲ့ မိသားစုများရဲ့ ကုသိုလ် အလှူပါပဲ။ နှစ်သစ် မှာ အခုလို ကုသိုလ် ကောင်းမှုလေးပြုပြီး အေးချမ်းစွာ ဖြတ်သန်း မှာပါ ။ ၁၃၈ဝ ပြည့်နှစ် သစ်မှာ ညီအစ်ကို မောင်နှမများ ဘေးကင်း၊ ရန်ကင်း၊ အန္တရာယ် ကင်းပြီး ပျော်ရွင်စွာ ဖြတ်သန်းနိုင်ပါစေလို့ ဆုမွန်ကောင်းတောင်းပေးလိုက်ပါတယ်” လို့ ဟွန်းနောင်နောင်က ပြောပါတယ်။
လင်းအက္ခရာ