အလှမယ်တစ်ဦးအဖြစ် အနုပညာလောကထဲဝင်ရောက်လာခဲ့တဲ့ အိနုဝေ ကတော့ လက်ရှိမှာ မော်ဒယ်တစ်ဦးအဖြစ် အနုပညာအလုပ်တွေ ဆက်တိုက်လုပ်ကိုင်နေပြီဖြစ်ပါတယ်။ လတ်တလောမှာတော့ စီပွားရေးကြော်ငြာ တွေ ရိုက်ကူးဖြစ်နေပြီးModel Show တွေလည်း လျှောက်ဖြစ်နေပါတယ်။ အလှမယ်တစ်ဦးလည်း ဖြစ်တဲ့သူမကို နောက်ထပ် Miss ပြိုင်ပွဲများကို ဝင်ရောက်ယှဉ်ပြိုင်ဖြစ်ဦးမှာလားလို့ မေးမြန်းတော့ …
“အစတော့ ညီမကMiss Universe Myanmar ဝင်ရောက် ယှဉ်ပြိုင်ဖို့ စဉ်းစားထားပါတယ်။ ဒါပေမဲ့ ဒီနှစ်တော့ မပြိုင်ဖြစ် တော့ပါဘူး။ ဘာဖြစ်လို့လဲဆိုတော့ ညီမအနေနဲ့ ဒီနှစ်တစ်နှစ် လုံး လိုအပ်တာတွေ အကုန်လုံး ပြင်ဆင်သွားမှာပါ။ တိုင်းရင်းသူတစ်ယောက်ဖြစ်တဲ့အတွက် စကားပြောတာတွေ ပြင်ဆင်ရ မယ်။ English Speaking ပိုင်းတွေလည်း ပြင်ဆင်ရမယ်။ ပြီးတော့ Body ပိုင်း နဲ့ပတ်သက်ပြီးလည်း ပြင်သေချာပြင် ဆင်မယ်။ ဒီနှစ်တစ်နှစ်လုံးလိုအပ်တာတွေ အကုန်ပြင်ဆင်သွားမှာပါ။ နောက်နှစ်မှပဲ ဝင်ရောက်ယှဉ် ပြိုင်ဖြစ်မှာပါ” လို့ အိနုဝေက ပြောပြခဲ့ပါတယ်။ သူမကတော့ Miss Myanmar world 2017 ပြိုင်ပွဲကြီးမှာ ပရိသတ်ပေးတဲ့ Popular ဆုနဲ့ 2nd Runner up ကစ ဆုကိုလည်း ရရှိခဲ့သူဖြစ်ပါတယ်။
အလှမယ် တစ်ယောက်အနေနဲ့မဟုတ်ရင်တောင် မော်ဒယ်တစ်ဦးအနေနဲ့ ပရဟိတပိုင်းဆက်ပြီးလုပ်ကိုင် သွားမယ်လို့ပြောလာတဲ့ မော်ဒယ်အိနုဝေက …
“Miss တစ်ယောက်အနေနဲ့ ပရဟိတပိုင်းနဲ့ပတ်သက်ပြီး ဘိုဘွားရိပ်သာတွေမှာ မကြာခဏသွားရောက်လှူဒါန်းဖြစ်ပါတယ်။ ဒါပေမယ့် ခုနောက်ပိုင်း ညီမ Miss တစ်ယောက်အနေနဲ့ မဟုတ်ရင်တောင် မော်ဒယ်တစ်ယောက်အနေနဲ့ သက်ကြီးရွယ်အိုးတွေအတွက် ပရဟိတပိုင်းကို ဆက်သွား လုပ်သွားဖို့ရှိပါတယ်။ အခုလည်းအားလပ်တဲ့ အချိန်တွေဆိုရင် ဘိုးဘွားရိပ်သာတွေ သွားရောက်ပြီး လှူဒါန်းဖြစ်ပါတယ်။ နောက်ပိုင်းလည်း အချိန်ရရင်ရသလောက် ပရဟိတပိုင်းကို ဆက်ပြီးလုပ်ဆောင်သွား မှာပါ။ ပရဟိတလုပ်ရတာတော့ ပျော်ပါတယ်။ အချို့ ဘိုးဘွားတွေကြည့်လို့ရှိရင် ခံစားရတယ်။ အသက်ကြီး ပြီး သားသမီးတွေက ဂရုမစိုက်တာတို့ သားသမီးမရှိတာတို့ဆိုရင် အဲဒီနေရာမှာ ကိုယ်အဘွားဆိုရင် ဆိုပြီး ခံစားမိပါတယ်။ အဲဒါကြောင့် တစ်ခါ တလေ ပရဟိတလုပ်ရတာ ဝမ်းလည်းဝမ်းနည်းတယ်။ ဒါပေမဲ့ ကိုယ်လုပ် ပေးနိုင်သလောက် လုပ်ပေးလိုက်ရလို့ ပျော်ပါတယ်”လို့ ပြောပြခဲ့ပါတယ်။
သတင်း၊ ဓာတ်ပုံ – ဇော်ဝင်းအောင်
