မြန်မာ့ဇာတ်သဘင်မှာ ချန်လှပ်ထားလို့မရတဲ့ အနုပညာရှင်ကြီးတစ်ဦးရှိပါတယ်။ ဒီအနုပညာရှင်ကြီးက တော့ ဒါရိုက်တာမောင်စိတ္တပဲဖြစ်ပါတယ်။ သူဟာ ပြဇာတ်ပေါင်း များစွာရေးသားခဲ့ပြီး ကိုယ်တိုင်လည်း ပြဇာတ်တွေကို ဒါရိုက်တာအဖြစ် တင်ဆက်ခဲ့ ပါတယ်။ ဒါ့အပြင်သူက စာရေးဆရာတစ်ဦးလည်း ဖြစ်ပါသေးတယ်။ သူက သဘင် မင်းသားကြီး ဦးမိုးဝင်းရဲ့ စံပြသဘင်မှာ မော့စ်၊ မိုးဒီတို့နဲ့အတူ သူ့ရဲ့ဇာတ်သဘင် လောကသားဘဝကို စတင်ခဲ့ပါတယ်။ ဒီ့နောက်မှာတော့ ပုလင်းစိန်၊ ဖန်ခွက်စိန်၊ အမြည်းစိန်တို့ ဇာတ် သဘင်အဖွဲ့မှာ လည်း ပြဇာတ် ဒါရိုက် တာအဖြစ် လုပ်ခဲ့ပါသေးတယ်။ မော့စ်၊ မိုးဒီတို့နဲ့အတူ လက်တွဲကာ တင်မိုးဝင်း ဇာတ်သဘင်အဖွဲ့ကိုတည်ထောင် ဖြစ်ခဲ့ပါတယ်။
အခုနောက်ပိုင်းမှာလည်း မြို့ရွှေ မန်းသားဖိုးချစ်နဲ့ ဟန်ဇာမိုး ဝင်းတို့ဇာတ်သဘင်အဖွဲ့တွေ မှာလည်း သဘင်ပညာရပ်နဲ့ ပံ့ပိုးကူညီလုပ်ဆောင်ပေးနေပါတယ်။ ဒါရိုက်တာ မောင်စိတ္တက အခုအချိန်မှာတော့ ပုလဲ မြို့သစ်က အနုပညာဆည်းဆာရိပ်ဘိုးဘွားရိပ်သာမှာ နေထိုင်လျက်ရှိတာ ၁ နှစ်နီးပါးရှိခဲ့ ပြီလည်းဖြစ်ပါတယ်။
”ဒီမှာနေဖို့က ဖိုးချစ်က ခေါ်ထားတာပါ။ ပြီးတော့ ဒီမှာကူညီပေးနေတဲ့ ချစ်ချစ်ဇော် တို့၊ လင်းဇာနည်ဇော်တို့ကလည်း ဘဘတပည့်တွေပဲဆိုတော့ လာနေဖြစ်တာပါ။ မိသား စုအနေနဲ့ကတော့ သားတစ်ယောက်၊ သမီးတစ်ယောက်ရှိပါတယ်။ သူတို့နေထိုင်တာက ၅ လွှာမှာနေတာဆိုတော့ ဘဘကမတက်နိုင်ဘူးလေ။ ခြေထောက်ကလည်း မကောင်းဘူး။ ဒါကြောင့်လည်း ဒီမှာလာနေဖြစ်တာ။ ဒီမှာက အားလုံးအဆင်ပြေပါတယ်”လို့ ဒါရိုက်တာ မောင်စိတ္တကပြောပါတယ်။
အခုအခါမှာတော့ ကျန်းမာရေးအခြေအနေအရ စာရေးသား ခြင်းကို ၁၅ မိနစ် လောက်ပဲရေးသားနိုင်ပါတော့တယ်။ စာအုပ်စာပေကိုနေ့စဉ် ပုံမှန်ဖတ်လေ့ရှိပြီး ကျန်းမာရေးအရ လမ်းလျှောက်ခြင်းကိုတော့ လုပ်ဖြစ် တယ်လို့ဆိုပါတယ်။ ကျန်းမာရေးနဲ့ပတ်သက်လို့ကတော့ အနုပညာ ဆည်းဆာရိပ်ကလည်း အထူးဂရုစိုက်ပြီးသူနာပြုတွေနဲ့ထားရှိတာ ဖြစ်ပါတယ်။
”ဖြစ်ချင်တာရှိရင် ဖြစ်အောင်လုပ်ရမှာပါပဲ။ ဖြစ်ချင် တာပဲရှိပြီးကိုယ်လည်း ဘာမှမလုပ်ဘူးဆိုရင် ဖြစ်လာမှာမဟုတ်ပါဘူး။ လူငယ်တွေကိုပြောချင်တာကတော့ စာရေးတာပဲဝါသနာပါပါ၊ ဇာတ်မင်းသားပဲဝါသနာပါပါလုပ်နေရမှာပါပဲ။ လုပ်တာကလည်း သာ မန်လုပ် ရုံနဲ့တော့မရဘူး။ ရူးသွပ်နေမှကိုရမှာပါ”လို့ လူငယ်တွေနဲ့ ပတ်သက်လို့ သူက သြဝါဒစကား ပြောကြားခဲ့ပြီးအခုချိန်မှာတော့ အသက် ၇၃ နှစ်ရှိနေပြီဖြစ်ပါတယ်။
သတင်း-လင်းအက္ခရာ၊
ဓာတ်ပုံ-အောင်ဇော်မင်း
