ပန်းပုပညာရှင် ကိုအောင်ကျော်ထွန်းက ဇူလိုင်လ ၁၉ ရက်နေ့အာဇာ နည်နေ့ကို ဂုဏ်ပြုသောအားဖြင့် ဗိုလ်ချုပ်ရုပ်တု ၃ဝ ရုပ်ကို မဲနှိုက်ပေးသွားမှာ ဖြစ်ပါတယ်။ သူကဒီအစီအစဉ်ကို နှစ်စဉ်အာဇာနည်နေ့တိုင်းမှာ ပြုလုပ်လေ့ ရှိပါတယ်။ ဒါကလည်း သူ့အနေနဲ့ ဗိုလ်ချုပ်ရုပ်တုတွေကို ပြည်သူအားလုံးရဲ့ လက်ဝယ်မှာ ရှိနေစေချင်လို့လည်းဖြစ်ပါတယ်။ ဒီနှစ်မှာတော့ သူက ဗိုလ်ချုပ် ရုပ်တုတွေကို မပေးခင်မှာ မေးခွန်း ၃ ခုကို ဖေ့စ်ဘွတ်စ်မှာ မေးမြန်းခဲ့ပါတယ်။ ဒီမေးခွန်း ၃ ခုကို ဖြေဆိုနိုင်တဲ့သူတွေကို ၃ လက်မအရွယ် ဗိုလ်ချုပ်ရုပ်တုတွေ ပေးအပ်သွားမှာပဲဖြစ်ပါတယ်။ ကိုအောင်ကျော်ထွန်းက မြန်မာပြည်အနှံ့မှာ ထားရှိမယ့် ဗိုလ်ချုပ်အောင်ဆန်းရုပ်တုတော်တော်များကို ထုလုပ်ပေးလေ့ ရှိပါတယ်။ ဒီလိုရုပ်တုထုလုပ်ပေးတဲ့အခါမှာလည်း ဗိုလ်ချုပ်ရုပ်တု အပေါ်ထားရှိတဲ့ သူ့ရဲ့စိတ် ထားကို အခုလိုပြောပြတာက-
”ဗိုလ်ချုပ်ရဲ့စိတ်ဓာတ်ကို ပြည်သူတွေကိုရစေချင်တယ်ဆိုတဲ့ ဆန္ဒကို ကျွန်တော်ဦးစား ပေးပါတယ်။ အဓိကတော့ ဘယ်လိုအခြေအနေမျိုးမှာပဲဖြစ်ဖြစ် ဗိုလ်ချုပ်ရဲ့ပုံက ဗိုလ်ချုပ်ဖြစ်ဖို့ တော့လိုတယ်ပေါ့။ ဗိုလ်ချုပ်ပုံမဖြစ်ရင်တော့ ဒါကဗိုလ်ချုပ် မဟုတ်တော့ဘူးလေ။ အဲဒီတော့ ပုံစံတူအောင်လည်းထုတယ်။ ဗိုလ်ချုပ်ရဲ့ မူလစိတ်နေစိတ်ထားကိုလည်း ပေါ်လွင်စေအောင် ကျွန်တော့်အနေနဲ့ထည့်ပြီးတော့ ထုတယ်” လို့ ကိုအောင်ကျော်ထွန်းက ပြောပါတယ်။ အွန်လိုင်း ပေါ်မှာလည်း ဗိုလ်ချုပ်ရုပ်တုနဲ့ ပတ်သက်လို့ တချို့နေရာဒေသတွေမှာ ထားရှိတဲ့ပုံတူတွေက ဗိုလ်ချုပ်နဲ့ မတူဘဲကွဲပြားနေမှုတွေကြောင့် ဝေဖန်မှုတွေရှိနေပါတယ်။ ဗိုလ်ချုပ်နဲ့မတူတဲ့ပုံတူ တွေကို မြင်တွေ့ရတဲ့အခါ ပန်းပုပညာရှင်တစ်ယောက်အနေနဲ့ဘယ်လို ခံစားရလဲလို့မေးတော့…
”ဒါကအပ်နှံတဲ့လူအပေါ်မှာလည်း မူတည်ပါတယ်။ အပ်နှံတဲ့သူတွေက ဒီပန်းပုဆရာ ထုလုပ်ထားတဲ့ ရုပ်တုတွေကို အရင်ကြည့်ပါ။ ဒီပန်းပုဆရာ ထုလုပ်ထားတာကတော့ အများ ပြည်သူလက်ခံနိုင်တယ်ဆိုရင် အဲဒီလိုပန်းပုဆရာကို ရွေးချယ်မယ်ဆိုရင် ဒီပြဿနာတွေမရှိ ဘူးပေါ့။ ပန်းပုဆရာတွေကတော့ သူတို့ကို ရုပ်တုလာအပ်ရင် သူတို့ရဲ့ပညာစွမ်းကို အကုန်ထုတ် ပြီးတော့ ထုလုပ်မှာပါပဲ။ ဒါပေမဲ့ကျန်တာကတော့ Public နဲ့ ဆိုင်တဲ့အတွက်ကြောင့်မို့ လက်ခံ နိုင်တဲ့ ရုပ်တုမျိုးကိုပဲ အပ်နှံတဲ့သူက ကြိုတင်ပြီးတော့ ရွေးချယ်ဖို့လိုပါတယ်” လို့ ကိုအောင် ကျော်ထွန်းက သူ့ရဲ့အမြင်ကို ပြောပြပါတယ်။
လင်းအက္ခရာ
