သရုပ်ဆောင် အောင်ရဲလင်းကတော့ လက်ရှိ ရုံတင်ပြသလျက်ရှိတဲ့ “ဇာတိမြေ” ရုပ်ရှင်ဇာတ်ကားမှာ ပါဝင်သရုပ်ဆောင်ထားပါတယ်။ ဒီရုပ်ရှင် ဇာတ်ကားကို ဒါရိုက်တာကြည်ဖြူသျှင်က ရိုက်ကူးပုံဖော်ခဲ့ပြီး ရန်အောင်၊ အောင်ရဲလင်း၊ မိုရီဆာ ကီဝင်း၊ ဝတ်မှုံရွှေရည်တို့က ပါဝင်သရုပ်ဆောင်ထားတာ ဖြစ်ပါတယ်။ ဒီရုပ်ရှင်ဇာတ်ကားမှာ သူ့ရဲ့ပါဝင်သရုပ်ဆောင်မှုနဲ့ပတ်သက်ပြီး သရုပ်ဆောင် အောင်ရဲလင်းက အခုလို ပြောပြခဲ့ပါတယ်။
“ဇာတိမြေ” ဂျပန်-မြန်မာ ချစ်ကြည်ရေး ရုပ်ရှင်ဇာတ်ကားမှာ မြန်မာ နိုင်ငံကိုယ်စားပြုအနေနဲ့ ပါဝင်ရတဲ့အတွက် တအားကိုဂုဏ်ယူမိပါတယ်။ နောက်တစ်ခုက ကျွန်တော့်ရဲ့ဆရာမ ကြည်ဖြူသျှင်နဲ့အတူ ဒီဇာတ်ကားကို ရိုက်ကူးရတဲ့အတွက် အလွန်လည်း ကျေနပ်တယ်။ ဒီရုပ်ရှင်က ကျွန်တော်တို့ ဆရာတပည့်နှစ်ယောက်အတွက် အမှတ်တရလည်း ဖြစ်ပါတယ်။ ပြီးတော့ ဂျပန်လူမျိုးတွေရဲ့ ဓလေ့စရိုက်တွေကို သိရှိခဲ့ရတယ်။ နိုင်ငံခြားနဲ့ပတ်သက်တဲ့ အတွေ့အကြုံတွေ ရရှိခဲ့တယ်။ ဒီရုပ်ရှင်ဇာတ်ကားမှာ ပါဝင်တဲ့ ဇာတ်ဝင်ခန်း တိုင်းက ကျွန်တော့်အတွက် အမှတ်တရဖြစ်စေခဲ့ပါတယ်။ ဘာလို့လဲဆိုတော့ အစကနေ အဆုံးအထိ သေချာအာရုံစိုက်ပြီး ကြိုးစားထားတဲ့ ဇာတ်ကားမို့ပါ”လို့ ပြောပြခဲ့ပါတယ်။ “ဇာတိမြေ” ရုပ်ရှင်ဇာတ်ကားအတွက် စိတ်မကောင်းစရာ တစ်ခုကတော့ ရုံမတင်မီကတည်းက အွန်လိုင်းမှာ ဇာတ်ကားအစအဆုံး ပျံ့နှံ့ နေခြင်းပဲဖြစ်ပါတယ်။ ဒီလိုပျံ့နှံ့နေတာနဲ့ ပတ်သက်ပြီး သရုပ်ဆောင် အောင်ရဲလင်းရဲ့ ခံစားချက်ကို ဆက်လက်မေးမြန်းခဲ့ရာ –
“အဲဒီလိုဖြစ်သွားတဲ့အတွက် ပရိုဂျူဆာနဲ့ ဆရာ ဒါရိုက်တာကြည်ဖြူသျှင် တို့အတွက် အလွန်စိတ်မကောင်းဖြစ်ရပါတယ်။ ကျွန်တော်တို့ အနုပညာရှင် တွေထိ ခိုက်တာထက် ပရိုဂျူဆာပိုင်းဆိုင်ရာက ပိုပြီး ထိခိုက်တာပေါ့။ ဒါပေမဲ့ ကျွန်တော် ယုံကြည်တာတစ်ခုကတော့ ကျွန်တော်တို့ ဒီရုပ်ရှင်ဇာတ်ကားကို ရည်ရွယ်ချက်ကောင်းတွေနဲ့ ရိုက်ကူးခဲ့တယ်။ ဂျပန်မြန်မာ ချစ်ကြည်ရေးကို ဦးစားပေးပြီးကောင်းတဲ့ Message တွေ အများကြီးပေးပြီး ရိုက်ကူးထားတယ်။ အဲဒါကြောင့် စေတနာအကျိုးပေးမှာပါ။ စေတနာကောင်းရင် ကံကောင်းမှာ ပေါ့။ ဒီဇာတ်ကားက အားလုံးစေတနာထားပြီး ရိုက်ကူးထားတာဖြစ်တဲ့အတွက် ကံကောင်းမှာပါ။ ဒီလိုမျိုးသာ နောက်ထပ်ဖြစ်မယ်ဆိုရင် ကျွန်တော်တို့ ရုပ်ရှင် လောကကို ထိခိုက်စရာတွေ ပိုဖြစ်လာနိုင်ပါတယ်။ ဘာလို့လဲဆိုတော့ တကယ့်ဇာတ်ကားကောင်းတွေကို ရိုက်ကူးပေးမယ့် ပရိုဂျူဆာမရှိ တော့မှာ စိုးလို့ပါ။ ပရိသတ် တွေအနေနဲ့ ဇာတိမြေရုပ်ရှင် ဇာတ်ကားကို ရုံမှာ လာရောက် ပြီး အားပေးစေချင်ပါတယ်။ ဖုန်းထဲမှာ ကြည့်ရတဲ့အရသာနဲ့ ရုပ်ရှင်ရုံထဲမှာ ကြည့်ရတဲ့ အရသာက မတူပါဘူး။ အများကြီး ကွာခြားပါတယ်” လို့ ပြောပြခဲ့ပါတယ်။
ဇော်ဝင်းအောင်
ဓာတ်ပုံ – မင်းမင်းထွန်း
