ဝါကျွတ်ချိန်ခါသမယကို ရောက်ရှိလာချိန်မှာတော့ အာဝါဟဝိဝါဟဆိုတဲ့ မင်္ဂလာပွဲတွေ၊ အလှူပွဲတွေကတော့ မြန်မာနိုင်ငံတစ်ဝန်းမှာ ခြိမ့်ခြိမ့်ညံလာနေပါပြီ။ အဲဒီတော့ မင်္ဂလာအခမ်းအနားတွေ အစီအစဉ်တွေမှာ မပါမဖြစ်တဲ့သူတွေကတော့ ဘိသိက်ဆရာတွေပါပဲ။ ဘိသိက်ဆရာတွေထဲမှာဆိုရင် အနုပညာနယ်မှာ နာမည် ကျော်ကြားသူ တစ်ယောက်လည်းပါဝင်တယ်။ အခုနောက်ပိုင်း ရန်ကုန်မြို့ပေါ်က မင်္ဂလာအခမ်းအနားတွေမှာဆိုရင် ဘိသိက်ဆိုတာနဲ့ အနုပညာရှင်ကြီး ဦးရန်ပိုင်စိုးက မပါမဖြစ်။ ဦးရန်ပိုင်စိုးက မြန်မာတေးသံရှင်တစ်ဦးဆိုရင် လည်းမမှားသလို သရုပ်ဆောင်နယ်ပယ်က အနုပညာရှင်တစ်ဦးလည်းဖြစ်ပါတယ်။
အဲဒီလို အနုပညာရှင်တစ်ဦးဖြစ်တဲ့ ဦးရန်ပိုင်စိုးက ဘိသိက်လောကထဲ ဘယ်လိုရောက်လာသလဲဆိုတာက အံ့သြစရာပါ။ ဦးရန်ပိုင်စိုးကတော့ ပြောတယ်။ တကယ်တမ်းတော့ သူ့ရဲ့အဓိက မေဂျာက သီချင်းဆိုတာပါတဲ့။ ဒါဆိုဘိသိက်ဆရာတစ်ဦးအဖြစ် ဘယ်လိုဖြစ်တည်လာတာလဲဆိုတာကို….
”အဲ့ဒါက ဒီလိုဗျ။ အခုဝါကျွတ်ဆိုတော့ ကျွန်တော့်ပြေးမြင်ကြမှာပေါ့။ တကယ်တော့လေ စကားပြောနေရတာကို ကျွန်တော်က အတော် လေးကြိုက်တယ်။ အဲဒီတော့ အဆိုတော်ဖြစ်လာတယ်။ ကျွန်တော့်မေဂျာပေါ့ဗျာ။ နောက်တော့ ရုပ်ရှင်ရိုက်တယ်။ နောက်တော့ အသက်အရွယ်ရလာတော့ အခမ်းအနားမှူးလုပ်တယ်။ မင်္ဂလာဆောင်မှာပေါ့။ ပြောရရင်ဗျာ ကျွန်တော်တို့ဆိုတာက ရုပ်ရှင်ရိုက်လို့ တစ်လကိုး သီတင်းကြိုမချိန်းဘူးလေဗျာ။ ကျွန်တော်တို့က နေတိုးမဟုတ်ဘူး။ ပြေတီဦး မဟုတ်ဘူး လေ။ သီချင်းဆိုလည်း အဲဒီလိုပဲလေ။ အခမ်းအနားမှူးအလုပ်က အလုပ်ပိုဖြစ်လာတယ်။ အခမ်းအနားမှူးအလုပ်ဆိုတာက ဟိုတယ်ရပြီးတာနဲ့ ဒီလူကြီးပါတယ်ဆိုပြီး ကြိုကြိုချိန်း ကြတဲ့အတွက် အလုပ်ဖြစ်တာပေါ့။ ကိုယ့်ဘာသာကိုယ်တောင် ငါတယ်ဟုတ်ပါလားပေါ့။ အခုဆိုရင် ကြိုကြိုပြီးတော့ ဘွတ်ကင်အလုပ်ခံရတယ်။ အခုဆိုရင် ဒီလထဲကနေပြီး တော့ ၂ဝ၁၉ ခုနှစ် ဒီဇင်ဘာအထိကို ဘွတ်ကင်လာလုပ်ပြီး ချိတ်ကြတော့ ကိုယ်ကိုယ် တိုင်တောင်အံ့သြရတယ်။ အဲ့ဒီလိုနဲ့ အလုပ်ကလေးတွေတွင်တွင်ကျယ်ကျယ် လုပ်ကိုင် နေရတာ။ အဲဒီတော့ မင်္ဂလာပွဲလုပ်သူတွေ၊ ရှင်ပြုမင်္ဂလာပြုလုပ်သူတွေအားလုံးကို ကျေးဇူးအထူးတင်ပါတယ်”လို့ ဦးရန်ပိုင်စိုးက ပြောပြပါတယ်။
ဗုဒ္ဓဘာသာ မြန်မာနိုင်ငံဖြစ်နေတဲ့အတွက် ရှင်ပြုခြင်းမင်္ဂလာဘိသိက်အပါအဝင် မင်္ဂလာဆောင် ဘိသိက်ဆိုတာလည်းရှိနေမှာဖြစ်တဲ့အတွက် ဒီအလုပ်လေးကို နှစ် သက်တဲ့အပြင် ပူးပေါင်းပါဝင်ခွင့်ရဖို့လည်း အမြဲတမ်းမျှော်လင့်နေတယ်လို့ဆိုပါ တယ်။
”ကျွန်တော်တို့ တိုင်းပြည်မှာက ဘိသိက်ဆိုတာရှိကိုရှိနေရမယ်။ နည်းတာနဲ့ များ တာပဲကွာတယ်။ ရှေးခေတ်ကတည်းက ရှေ့ခုနစ်အိမ်နောက်ခုနစ်အိမ်ရှိကတည်းက မင်္ဂ လာဆောင်ဆိုတာရှိတယ်လေ။ ဖိုနဲ့မပေါင်းစပ်ခြင်းဆိုတာလည်း အချိန်တန်အရွယ်ရောက် တဲ့အချိန်မှာ ရှိကိုရှိရမယ့်ကိစ္စပါ။ အဲဒီအတွက် မင်္ဂလာဆောင်ဆိုတာ ရှိကိုရှိနေမယ်။ မင်္ဂ လာရှင်ပြုနားသရှိနေမယ်။ အဲဒီတော့ ဘိသိက်ဆိုတာလည်းရှိနေမယ်။ ခပ်သေးသေး လုပ်တာနဲ့ကြီးကြီးလုပ်တာပဲရှိတယ်လေ။ ကျွန်တော်တို့အတွက်တော့ ထမင်းကျွေးတဲ့ ကျေးဇူးရှင် တွေပါ။ ကျေးဇူးအထူးတင်ပါတယ်”လို့ ဦးရန်ပိုင်စိုးက ပြောပြပေးခဲ့ပါတယ်။
ထက်လူ၊
ဓာတ်ပုံ-အောင်ဇော်မင်း
