တစ်နေ့ကတော့ ခပ်လွမ်းလွမ်း ရှိတာနဲ့ ငယ်ငယ်တုန်းက ကျင် လည်ပျော်ပါးခဲ့တဲ့ နေရပ်ဟောင်း ကလေးဆီ အလွမ်းပြေရောက်သွား ခဲ့ပါရဲ့။
လွမ်းရတဲ့အကြောင်းက ဒီလို။ ကျွန်တော်တို့ မန္တလေးမြို့က ရပ် ကွက်အချို့မှာ မိသားစုလုပ်ငန်း၊ ရပ် ကွက်လုပ်ငန်း ဖော်ပြတဲ့ ရပ်ကွက် တော်တော်များများ ရှိခဲ့ကြတယ်။ ဒါပေမဲ့ ခုနှယ်ခါမှာတော့ ‘ရပ်ကွက် လုပ်ငန်း’ ဖော်ပြတဲ့ ရပ်ကွက်လေး တချို့ မန္တလေးမြေပုံပေါ်ကနေ ပျောက်သွားကြတာကို သတိပြုမိ တယ်ဆိုပါစို့။ ဥပမာ ‘ခဝါန’။ တစ်ရပ် ကွက်လုံး ခဝါလုပ်ငန်းလုပ်။ ပွတ် တန်းတစ်ရပ်ကွက်လုံး ပွတ်လုံး ပွတ်ဆံလုပ်၊ ခုံဖိနပ်ချောင် တစ်ရပ် ကွက်လုံး ခုံဖိနပ်ခုတ်၊ ဆီသည်ချော တစ်ရပ်ကွက်လုံး ပုံးကြီးပုံးငယ်တွေ နဲ့ ဆီထမ်းရောင်းကြ။ ပြီးတော့ ကျွန်တော်ငယ်ဘဝ မြှုပ်နှံရာ အိုး စည်တန်း။ ဒီအိုးစည်တန်းမှာလည်း တစ်ရပ်ကွက်လုံး အိုးစည်လုပ်ရောင်း ကြ။ အိုးစည်လုပ်ကြတဲ့နေရာမှာ ဆိုင်းတွေဘာတွေသုံးတဲ့ အိုးစည်ကြီး တွေ လုပ်တာနည်းပြီး ‘ကလေးကစား စရာ အိုးစည်ငယ်’တွေ လုပ်ကြတာ များတယ်။ အခုဘုရားကြီး အရှေ့ စောင်းတန်းနှင့် အပြိုင်စောင်းတန်း ရဲ့ မြောက်ဘက်မှာ သစ်သားဆိုင်ခန်း ရှည်ကြီးတစ်ခုရှိတယ်။ အဲဒီဆိုင်ခန်း တွေ အားလုံးဟာ အိုးစည်ရောင်းကြ တဲ့ ဆိုင်ခန်းတွေချည်းပါပဲ။ ဘုရား ကြီး စောင်းတန်းလေးသွယ်မှာ မူရင်း စောင်းတန်းနဲ့ အပြိုင် ဆိုင်ခန်းရှည် တွဲဆိုလို့ အရှေ့စောင်းတန်းမှာပဲ ရှိပါ တယ်။
ဆိုင်ခန်းရှည်ကြီးရဲ့ ဆိုင်တိုင်း ဆိုင်တိုင်းရှေ့မှာ အိုးစည်နီနီကလေး တွေ တန်းလန်းချိတ်လို့။ ဒီလို ပြန် တွေးမိတဲ့အခါ ကျွန်တော်ဖြင့် ငယ်ငယ်က တီးတဲ့ဗုံကလေးတွေ သတိရမိတယ်။
ကျွန်တော်တို့ငယ်ငယ်က အိုး စည်တန်းကို အမြဲသွားရတယ်။ ကျွန် တော်ရယ်၊ အမေရယ်ပေါ့။ ကျွန် တော်တို့ သားအမိနဲ့အတူ အိုးစည် အနီလေးတွေ အများကြီးပါလာ တယ်။ အိုးစည်တန်းက အိုးစည် အရောင်းဆိုင်တွေကို သွင်းဖို့ပါ။ သားအမိနှစ်ယောက် တစ်ဆိုင်ဝင် တစ်ဆိုင်ထွက် အိုးစည်အနီလေးတွေ လိုက်စပ်ကြပါတယ်။ အိုးစည်လုပ် ရောင်းတဲ့သူတွေထဲမှာ ‘ကလေးအိုး စည်’ လုပ်သူနည်းပါးတာမို့ ကျွန်တော့် အိုးစည် ရောင်းရတာချည်းပါပဲ။
ကလေးအိုးစည်လုပ်ငန်းက မိသားစုလုပ်ငန်းပါ။ အသားသတ် ရုံသွားပြီး နွားသား ရေဝယ်တယ်။ ကျွန်တော့်အစ်ကို ကြီးက အိုးစည် ထွင်းတယ်။ ဗုံကြက်တယ်။ ကျွန် တော်ကတောက်တိုမည်ရကူရတယ်။ ခွေးမောင်းပေးရတယ်။ အဲပြောရဦး မယ်။ ကျွန်တော်က အိုးစည်လုပ်ငန်း မှာ ဘာမှသာ အသုံးမကျတာ အခွင့် အရေးကို ပိုယူချင်တယ်။ ပြီးတော့ လုပ်ကျွေးနေတဲ့ အစ်ကိုကြီးနဲ့လည်း မတည့်ဘူး။ ညီအစ်ကို တကျက် ကျက်နဲ့။ ကျွန်တော်က စကားကို အကတ်ပြောတဲ့နေရာမှာ နှစ် ယောက်မရှိဘူး။
တစ်နေ့မှာ ကျွန်တော့်အမေကို ‘အမဲသားနှပ်’နဲ့ ထမင်းစားချင် ကြောင်း ပြောတယ်။ အမေက ခါးခါး သီးသီးငြင်းတယ်။
”ဗုံကြက်သူတစ်သက်လုံး အမဲ သားမစားရဘူး မှတ်ထား”
ကျွန်တော်က ကလေးပေမယ့် ပါးရည်နပ်ရည်ရှိသူမို့ အမေပြောတာ လက်ခံပါတယ်။ ဟုတ်တယ်လေ။ ဗုံ ဆိုတာ နွားသားရေနဲ့ လုပ်ရတဲ့အပြင် ဗုံကြက်တဲ့ ကြိုးကလည်း နွားသားရေ နဲ့ လုပ်ရတာမို့ အမဲသား မစားသင့် ဘူးဆိုတာ ကျွန်တော်လက်ခံပါတယ်။
ဒါပေမဲ့ ကျွန်တော်က အစ်ကို ကြီးနဲ့မတည့်ဘူး။ အချိန်တိုင်း၊ အချိန် တိုင်း အစ်ကိုကြီးကို ချောက်တွန်းဖို့ အမြဲချောင်းနေမိတယ်ခင်ဗျ။ အဲ တစ်ရက်ကျ ချောက်တွန်းဖို့အကွက် တွေ့ပါလေရော။ အိမ်ရှေ့က ဗုံလုပ် တဲ့ တဲကလေးထဲမှာ အစ်ကိုကြီး သူကြက်ပြီးစ ဗုံလေးကို တို့ တို့ပြီး အသံစမ်းနေပါတယ်။ အမှန်တော့ တို့တယ်ဆိုတာ တီးတာပဲလေ။ အဲဒီ အချိန်မှာ တဲအနားကို နွားတစ် ကောင် ရောက်လာတယ်။ နွားက အနီးအနားရှိ သစ်ပင်ကို ဝင်စားနေ တာပါ။ ကျွန်တော်မြင်နေတာကတော့ အစ်ကိုကြီး ‘နွားရှေ့ဗုံတီး’နေတာပါ။ ဒါနည်းနည်းနောနောအပြစ်မဟုတ် ဘူး။ ဗုံကြက်သူတစ်ယောက် အနေနဲ့ ဒီလို မရိုင်းစိုင်းသင့်ဘူး။ ဒါ ကျေးဇူး ရှင်ကို မခန့်လေးစားလုပ်တာ။ ကျေး ဇူးရှင်ကိုတောင် ပြောင်လှောင်တာ။
သရော် တာ . . . သရော်တာ
”ဒီကိစ္စ အမေနဲ့ တိုင်ပြော မယ်”
တိုင်လည်း တိုင်လိုက်တယ်။ အမေက ပြောတယ်။
”ညကျရင် ငါ့သားလေးကို ဆိတ်သားဆီပြန် ချက်ကြွေးမယ်” တဲ့။
ကိုငြိမ်း (မန္တလေး)
