ပရဟိတဆိုရင် လိုက်ဖက်ညီစွာ လုပ်ကိုင်နေကြတဲ့ အနုပညာဇနီး မောင်နှံတွေဖြစ်တဲ့ လင်းလင်းနဲ့ ချစ်သုဝေတို့က ခေတ်သစ်ဖောင်ဒေးရှင်း ဆိုပြီး ဖောင်ဒေးရှင်းတစ်ခုကို စတင်တည်ထောင်တဲ့ အခမ်းအနားကို ဇန်နဝါရီ ၁၇ ရက်နေ့က WYNDHAM GRAND YANGON HOTEL မှာ ကျင်းပပြုလုပ်ခဲ့ပါတယ်။ ခေတ်သစ် ဖောင်ဒေးရှင်း ကိုသိန်း ၂ဝဝ မတည် ကာစတင်တည်ထောင်ပြီး ကျန်းမာ ရေးအတွက် အလှူအတန်းတွေ ပြု လုပ်သွားမယ်လို့လည်း သိရပါတယ်။ ခေတ်သစ်ဖောင်ဒေးရှင်းတည် ထောင်ဖြစ်တာနဲ့ပတ်သက်ပြီး ချစ်သုဝေက…
”သမီးလေးနှစ်ယောက်နာ မည်နဲ့ Foundation လေးထောင်ဖြစ်တယ်ဆိုတာက ထရီဇာ ကိုယ်ဝန်ရှိကတည်းက တအားဖြစ်ချင်ခဲ့တဲ့ ဆန္ဒလေးပါ။ Foundation ဆိုတာက အလှူအတန်းလှူလိုက်ရုံနဲ့ ပြီးသွား တာမျိုး မဟုတ်ဘဲနဲ့ ရေရှည်တည်တံ့ရမယ့်အရာမျိုးလည်း ဖြစ်တယ်။ ထရီဇာ အကောင်အထည်ဖော်လိုက်တဲ့အချိန်မှာလည်း Foundation ပိုက်ဆံတွေက လိုအပ်နေတဲ့ ဘယ်လိုနေရာတွေကို သွားမလဲဆိုတာကို လည်း ထရီဇာ ပရဟိတလူငယ်တွေ အများကြီးနဲ့လည်း ထရီဇာ တိုင်ပင်ဖြစ်တယ်။ထရီဇာတို့ရဲ့ ဒီဖောင်ဒေးရှင်းက ခေတ်နဲ့သစ် နှစ်နှစ်ကနေ တစ်ဆယ့်ခြောက်နှစ်အထိ ထရီဇာ တို့ Plan တွေချထားတယ်။အခု ခေတ်နဲ့ သစ်ကလည်း နှစ်နှစ်အရွယ်ရောက်နေပြီ။ သူတို့လေးတွေကိုယ်ပိုင်ဆုံးဖြတ်ချက်ရှိတဲ့အချိန်ကျရင် သူ တို့ ဆက်လုပ်ချင်တယ်ဆိုရင်လည်း ဆက်လုပ်ပေါ့နော်။ ဆက်မလုပ်တော့ဘူးဆိုရင်လည်း အစ်မတို့က ဒီ Donation တွေ အားလုံးကို ပြန်ပြီး တော့ လက်လွှဲလှူဒါန်းပေးမှာပေါ့ နော်။ အခုအစ်မတို့ အရင်ဆုံးလှူ ဒါန်းဖြစ်မှာက မွေးရာပါ နှလုံးအ ပေါက်ပါတဲ့ အသက် ငါးနှစ်အောက်ကလေးငယ်တွေ။ အမှန်တကယ်ဆင်းရဲပြီးတော့ လိုအပ်နေတဲ့ကလေး ငယ်တွေအတွက် အစ်မတို့က လှူ ဒါန်းဖို့ ပထမဆုံး Plan အဖြစ် ရည်ရွယ်ထားပါတယ်”လို့ ပြောပြပါတယ်။
ပြည်သူများက ဝိုင်းဝန်းပြီးတော့ လှူ ဒါန်းနိုင်တယ်ဆိုတာကိုလည်း ထရီ ဇာက…
”သမီးလေးတွေကို ပြည်သူ တွေက တအားချစ်ကြတယ်။ ထရီဇာ ဘယ်နေရာသွားသွား သူတို့လေး တွေကို ချစ်ကြတယ်။ မေတ္တာထားကြ တယ်။ သူတို့လေးတွေရဲ့ လှုပ်ရှားမှု တွေကို ကြည့်ချင်ကြတယ်။ အိမ်မှာ ဆိုလည်း သူတို့လေးတွေအတွက် လက်ဆောင်လေးတွေက အမြဲတမ်း ရောက်တယ်။ သမီးလေးတွေကို ပေး တာထက်သမီးလေးတွေကို ပေးသလို ပဲ သမီးလေးတွေဖောင်ဒေးရှင်းကို ငွေတစ်ထောင်ပဲလှူနိုင်လှူနိုင် ပြည်သူတစ်ရာက လှူမယ်ဆိုရင် လူတစ်ရာ အားနဲ့ ကလေးတစ်ယောက်ကို ခွဲစိတ်လိုက်နိုင်မယ်။ ကလေးတစ်ယောက်အသက်ရှင်သွားမယ်ဆိုရင် ဒါက ဝမ်းသာစရာ ကိစ္စကြီးပဲ။ လှူ ဒါန်းလို့ရမယ့် ဘဏ်အကောင့်လေး ကို ဖေဖော်ဝါရီလ ၁ ရက်နေ့ကျရင် ထရီဇာတို့ကြော်ငြာပေးမယ်။ ပြည်သူအများလည်း ဝိုင်းဝန်းလှူဒါန်းလို့ ရပါတယ်”လို့ ချစ်သုဝေက ပြောပြခဲ့ ပါသေးတယ်။
ခိုင်ဝါဝင်း၊
ဓာတ်ပုံ – ဇော်ဝင်းအောင်
